قاراعاندىدا «عاسىرلار اڭساعان ازاتتىق» اتتى دەرەكتى فيلمدەر كۇندەرى وتۋدە
«تاۋەلسىزدىك - بۇل ءبىزدىڭ باستى بايلىعىمىز. تاۋەلسىزدىكتىڭ ارقاسىندا، ەلباسىنىڭ جۇرگىزىپ وتىرعان ساياساتىمەن ءبىز بىرلىگىمىز جاراسىپ ءومىر سۇرۋدەمىز. بىزدە - تۇراقتىلىق. ال تۇراقتىلىق - ەكونوميكالىق، ساياسي، مادەني تابىستىڭ كەپىلى»، - دەدى باسپا ءسوز ءماسليحاتىندا شاكەن ايمانوۆ اتىنداعى «قازاقفيلم» ا ق باس رەداكتورى ديدار كوسىلبەكوۆ.
سونداي-اق ول تاۋەلسىزدىك تاقىرىبى وتاندىق كينەماتوگرافتارعا اسا ەتەنە ەكەندىگىن جانە بۇل تاقىرىپقا كوپتەگەن فيلمدەر تۇسىرىلگەندىگىن اتاپ ءوتتى.
«دەرەكتى فيلمدەر كۇندەرى رەجيسسەر وڭداسىن تاستانوۆتىڭ « ۇلىتاۋ تورىندە» فيلمىمەن اشىلادى. وعان ۇلىتاۋ ەتەگىندە ۇلت كوشباسشىسى نۇرسۇلتان نازاربايەۆتىڭ مەملەكەتتىگىمىز جونىندەگى وي-تولعامدارى ارقاۋ بولعان»، - دەدى باعدارلامانى تانىستىرعان باس رەداكتور.
بۇل كارتينانىڭ سەنارييىن تانىمال ونەرتانۋشى ەرلان تولەۋتاي جازعان.
قاراعاندىلىقتار ەكى كۇن بويى «قازاق فيلمنىڭ تۇسىرگەن ءتورت تۋىندىسىن تەگىن تاماشالايتىن بولادى. رەجيسسەر بولات نۇسىمبەكوۆ ءوزىنىڭ «شاكەن ايمانوۆ: اڭىز ادام» فيلمىن اكەلگەن. سونداي-اق باعدارلاماعا «ساكەن سەرى» (رەجيسسەر ورال ءجۇنىسوۆ)، «ءمادي باپي ۇلى» (رەجيسسەرى ەرلان تولەۋتايەۆ) كارتينالارى ەنگىزىلىپ وتىر.
