الەمدەگى ەڭ قورقىنىشتى ورماندار

نۇر-سۇلتان. قازاقپارات - بالا كۇنىمىزدە ورمانداعى قورقىنىشتى وقيعالار تۋرالى اڭگىمەلەر ايتقانىمىز ءالى ەسىمىزدە شىعار. وسى وقيعالارعا كوزىمىزدى جەتكىزۋ ءۇشىن جەر بەتىندەگى تىلسىم جانە قورقىنىشتى ورماندارعا توقتالىپ وتسەك.

جاپونياداعى فۋدزي تاۋىنىڭ ەتەگىندە ورنالاسقان اوكيگاحارا ورمانىن حالىق «اعاشتار تەڭىزى» دەپ اتاپ كەتكەن. قازىرگى تاڭدا الەمدەگى ەڭ قورقىنىشتى جەرلەردىڭ ءبىرى وسى بولىپ تابىلادى. ولاي دەيتىن سەبەبىمىز، جىل سايىن قانشاما ادام وسى جەردە جوعالىپ، ولىگى تابىلىپ جاتادى. ورمان ىشىنە ەنىپ كەتكەن ادام جول تاۋىپ شىعا الماي، مەرت بولادى. جانە جەرگىلىكتى تۇرعىندار تۇنىمەن شىڭعىرعان ادامداردىڭ داۋىستارىن ەستىپ جاتادى ەكەن.

جەر تەبىنگەن ءازازىل، ا ق ش. سولتۇستىك كارولينا شتاتىنداعى سەيلەر قالاسىنان 15-16 شاقىرىم قاشىقتىقتا جاتقان تىلسىم ورمان ىشىندە ديامەتردى 12 مەتردى قۇرايتىن ساقينا تارىزدەس الاڭ بار. مىنە، وسى ساقينانىڭ ىشىندە وسىمدىك اتاۋلىدان ەشتەڭە وسپەيدى. ول جەرگە يت پەن قۇس جولاۋعا دا قورقادى.

ۇلى بريتانياداعى ەپپينگ ورمانى ادام ءولىمى جاعىنان ءبارىن باسىپ وزاتىن بولار. كوپتەگەن قاراقشى وزدەرى قۇربان ەتكەن ادامنىڭ دەنەسىن وسىندا كومەتىن بولىپ شىقتى.

ۋيچۆيد ورمانى، انگليا. بۇل ورمانعا ءبىر رەت جولى تۇسكەن ادامدار وزدەرىنىڭ دەنەسىنە بەلگىسىز بىرەۋلەردىڭ قولى تيگەنىن، قاستارىنان وتكەنىن ايتادى. جۇرتتىڭ ايتۋىنشا، ورمان ءىشىن ەلەستەر كەزىپ جۇرگەن كورىنەدى.

انگلياداعى «شىڭعىراتىن ورمان» دا وسىلاردىڭ قاتارىندا. جەرگىلىكتى جۇرت بۇل جەردە ونشاقتى ارۋاقتىڭ ەلەسى كەزىپ ءجۇر دەپ سەنەدى. ونىڭ ەرتە كەزدەن «شىڭعىراتىن ورمان» اتالۋ سەبەبى - حالىق ايقاي-شۋعا ۇلاساتىن اشى داۋىستاردى ءجيى ەستيدى.

ا ق ش-تاعى 520 شارشى شاقىرىم اۋماقتى الىپ جاتقان فريتاۋن-فول ريۆەر ورمانىندا ادام سەنگىسىز قورقىنىشتى وقيعالار ورىن الىپ تۇرادى ەكەن.

massaget.kz