جاڭا، ءونىمدى جۇمىس ورىندارىن اشا العان مەملەكەت قانا جەڭىسكە جەتەدى - ن. نازاربايەۆ

استانا. قازاقپارات - جاڭا ءونىمدى جۇمىس ورىندارىن اشا العان مەملەكەت قانا جەڭىسكە جەتەدى. بۇگىن استاناداعى تاۋەلسىزدىك سارايىندا ءوتىپ جاتقان يندۋستريالاندىرۋ كۇنى اياسىنداعى جيىن بارىسىندا ءسوز سويلەگەن ەلباسى نۇرسۇلتان نازاربايەۆ وسىلاي مالىمدەدى.

مەملەكەت باسشىسىنىڭ ايتۋىنشا، ХХІ عاسىرداعى جۇيەلى پروبلەمالاردىڭ ءبىرى - جۇمىسسىزدىق ماسەلەسىنىڭ ورشۋىمەن بايلانىستى. بۇل نەگىزىنەن حالىقتار سانىنىڭ ارتۋىنان ورىن الىپ وتىر.

«جەر جۇزىندە 7 ميلليارد ادام تۇراتىنىن بىلەمىز، ال سونىڭ ىشىندە 15 جاستان جوعارى، جۇمىسقا قابىلەتتى ادامدار سانى 5 ميلليارد ادامدى قۇرايدى. ال جەر بەتىندە اشىلىپ جاتقان تەك 1,5 ميلليارد جۇمىس ورنى بار. ەندەشە قالعانى ۋاقىتشا جۇمىس ورىندارىندا ءجۇر نەمەسە جۇمىس ىزدەپ ءجۇر دەگەن ءسوز. بۇكىل الەم قازىر ەڭ ءبىرىنشى كەزەكتە جۇمىسسىزدىقتى جويعىسى كەلەدى. ساراپشىلاردىڭ باعالاۋى بويىنشا، جەر بەتىندەگى ادامداردىڭ باسىم كوپشىلىگى لايىقتى جۇمىستىڭ، لايىقتى جالاقىنىڭ بولۋىن تىلەيدى ەكەن»، - دەدى ن. نازاربايەۆ.

بۇل رەتتە ەلباسى جاقسى جۇمىس ميلليونداعان ادامدار ومىرىندەگى الەۋمەتتىك ليفت بولىپ تابىلاتىنىن اتاپ ءوتتى. «جاڭا، ءونىمدى جۇمىس ورىندارىن كوبىرەك اشا العان مەملەكەت قانا جەڭىسكە جەتەدى»، - دەدى ن. نازاربايەۆ.

اۆتور: قانات مامەتقازى ۇلى