الەۋمەتتانۋشىلاردىڭ بىرىككەن ساياسات جوباسى ەل ساياساتىنداعى كوشباسشىلاردى اتادى
جىلدىڭ ۇزدىك ءمينيسترى رەتىندە ق ر مادەنيەت جانە سپورت ءمينيسترى ارىستانبەك مۇحامەدي ۇلى تانىلدى.
اتالمىش جوبا بويىنشا جىلدىڭ ۇزدىك ساياساتكەرى اتاعى پرەزيدەنت نۇرسۇلتان نازاربايەۆكە بەرىلدى. 2014 - جىل پرەزيدەنت ءۇشىن ادەتتەگىدەي ماڭىزدى بولدى. ول مەملەكەتتىك اپپاراتقا قولداۋ كورسەتىپ، تىزگىندى بەرىك ۇستادى. سونىمەن قاتار، ەلىشىك پروتسەستەرگە ەرەكشە كوڭىل اۋدارىپ، سىرتقى ساياساتتا دا ماڭىزدى شەشىمدەر قابىلدادى.
ءسوز جوق، نۇرسۇلتان نازاربايەۆ بيىلعى جىلدىڭ ۇزدىك ساياساتكەرى. نازاربايەۆتىڭ شەبەر ساياساتكەر ەكەنىن بىرنەشە شەتەلدىك باسىلىمدار دا جازىپ، شەتەلدىك ماماندار پرەزيدەنتتى الەمدىك ساياساتتاعى ماڭىزدى تۇلعالاردىڭ ءبىرى دەپ باعالادى.
جوبا اۆتورلارىنىڭ پىكىرىنشە، «جىلدىڭ ۇزدىك ۇمىتكەرى» اتاعىنا ءبىرقاتار مينيسترلەر ۇمىتكەر بولعانىمەن، ارىستانبەك مۇحامەدي ۇلى ءوز ارىپتەستەرىنىڭ اراسىندا كاسىبي مانسابى ورلەپ كەلە جاتقانىمەن جانە بەلسەندىلىگىمەن ەرەكشەلەنەدى.
سونداي-اق، جىل ۇزدىكتەرىنىڭ قاتارىنا ەۋرازيا ەكونوميكالىق كوميسسيانىڭ ەكونوميكا جانە قارجى ساياساتى جونىندەگى ءمينيسترى تيمۋر سۇلەيمەنوۆ (جىل جاڭالىعى)، «قازاقستان بارىسى» جوباسىنىڭ باسشىسى ارمان شورايەۆ (جىلدىڭ قوعام قايراتكەرى)، ق ر پارلامەنت ءماجىلىسىنىڭ حالىقارالىق ىستەر جونىندەگى كوميتەتىنىڭ باسشىسى ماۋلەن اشىمبايەۆ (جىلدىڭ زەردەلى ساياساتكەرى)، قر پارلامەنت ءماجىلىسىنىڭ دەپۋتاتى داريعا نازاربايەۆا (جىلدىڭ بەلسەندى دەپۋتاتى)، قىزىلوردا وبلىسىنىڭ اكىمى قىرىمبەك كوشەربايەۆ (جىل اكىمى)، ق ر پرەمەر-ءمينيسترىنىڭ ورىنباسارى بەردىبەك ساپاربايەۆ (جىگەرلى ساياساتكەر)، وڭتۇستىك قازاقستان وبلىسىنىڭ اكىمى اسقار مىرزاحمەتوۆ پەن «نۇر وتان» پارتياسى باسشىسىنىڭ ءبىرىنشى ورىنباسارى باۋىرجان بايبەكتىڭ (جىلدىڭ كەلەشەگى بار ساياساتكەرلەرى) ەسىمدەرى كىرگەن.
Nur.kz
