قىتايدان كەلگەن قانداسىمىز «ولەڭگە اركىمنىڭ- اق بار تالاسى» جوباسىنىڭ باس جۇلدەسىن جەڭىپ الدى

 استانا. قازاقپارات - بۇگىن استاناداعى ۇلتتىق اكادەميالىق كىتاپحانادا «نۇر وتان» پارتياسىنىڭ قولداۋىمەن «قازايتىس» سايتىندا جىل بويى جۇرگىزىلگەن «ولەڭگە اركىمنىڭ- اق بار تالاسى» جوباسىنىڭ ءار اي سايىن جەڭىمپاز اتانعان ۇمىتكەرلەردىڭ قاتىسۋىمەن «جىل جەڭىمپازىن» انىقتاۋ ماقساتىندا جاس اقىنداردىڭ الامان جىر دوداسى ءوتتى.

اتالمىش شارادا جاس اقىنداردىڭ ولەڭدەرىنە ەلىمىزگە تانىمال ايتىسكەر اقىندار مەن جازبا جىردىڭ شەبەرلەرى سەرىكزات دۇيسەنعازى، بالعىنبەك يماش، ەرلان ءجۇنىس، قالقامان سارين، ىقىلاس وجاي ۇلى، مەيىرجان الىبەك قاتارلى قاتارلى اقىندار قازىلىق جاسادى. كەشتى اقىن، «قازايتىس» سايتىنىڭ باس رەداكتورى ۇلاربەك نۇرعالىم ۇلى جۇرگىزدى.

 

جىل جەڭىمپازىن انىقتاۋ شارتى بويىنشا جاس اقىندار ەكى ءتۇرلى قىرىنان ءوز ونەرلەرىن ورتاعا سالدى. ءبىرىنشى اينالىمدا جاس اقىندار ەركىن تاقىرىپتا ءبىر- ءبىر ولەڭنەن وقىسا، ەكىنشى اينالىمدا اقىندارعا ءتورت ءسوز بەرىلىپ، سونى ولەڭ جولدارىنا ۇيلەسىمدى جاراستىرا بىلگەن اقىنداردىڭ ولەڭدەرىن قورىتىندىلاعان قازىلار القاسى ءبىر اۋىزدان قىتايدان كەلگەن قانداسىمىز جاس اقىن قىز ەركەجان بەيسەنبەك قىزىن جەڭىمپاز دەپ تانىدى. جەڭىمپازعا 70 مىڭ تەڭگە سىياقى بەرىلدى.

جالپى جىر دوداسىنا  قاتىسقان 15 اقىننىڭ ءار قايسىسى 20 مىڭ تەڭگەدەن سىياقى الدى.

  

 
كۇنسۇلتان وتارباي