بيىلعى جاڭا جىلدا سىيلاۋعا بولمايتىن زاتتار قاتارىندا راديو، تەلەديدار، مۋزىكالىق اپپاراتتار بار

استانا. قازاقپارات - كەلە جاتقان جاڭا جىلدا ءار ادام قالتاسىنا قاراپ، جاقىندارىنا سىيلىق سىيلاعىسى كەلەتىنى انىق.

الايدا كەز كەلگەن ادام جاڭا جىلدا سىيلاۋعا بولمايتىن زاتتاردى بىلە بەرمەيدى.

سونىمەن، ءبىز نازارلارىڭىزعا حالىق اراسىندا ىرىم بويىنشا، بەرۋگە تيىم سالىناتىن زاتتار ءتىزىمىن ۇسىنامىز. جاڭا جىلدا ۇشكىر زاتتاردى بەرۋگە بولمايدى دەگەن پىكىر بار.

ولاردىڭ ىشىندە پىشاق، شانىشقى، قىلىش ت. ب. بۇلار ىرىم بويىنشا ۇرىسقا الىپ كەلەدى. سونداي-اق بەت ورامال - جىلاۋعا ، ساعات -  ايىرىلىسۋعا، جاۋھار تاستار -  جالعىزدىققا الىپ كەلەدى دەگەن دە پايىمداۋلار بار.

جۇلدىزشىلاردىڭ ايتۋىنشا، كەلە جاتقان قوي جىلىنىڭ وزىندىك ءبىر ەرەكشەلىكتەرى بولادى. ماسەلەن قوي تەك تابيعي ونىمنەن جاسالعان زاتتاردى ۇناتادى ەكەن. سوندا عانا بۇيىم ۇزاققا شىداپ، يەسىنە قۋانىش سىيلايتىن كورىنەدى.

اسىرەسە كيىم سىيلاعاندا ول جاساندى تەرىدەن تىگىلمەۋى ءتيىس. سينتەتيكالىق ويىنشىقتار نە زاتتار سىيلاعان ادامعا دا، سىيلىق العان ادامعا دا كەرى اسەرىن تيگىزەدى دەگەن سەنىم بار.

ال ءوز قولىڭمەن، تابيعي ونىمدەرمەن جاسالعان سابىن ناعىز جاڭا جىلدىڭ كەرەمەت سىيلىعى.

قوي مومىن جانۋار بولعانىمەن وتە قورقاق ەكەن.

سوندىقتان، وسى جىلى تۋىستارعا شۋى كوپ زات سىيلاۋعا بولمايدى.

وعان راديو، تەلەديدار، مۋزىكالىق اپپاراتتار جاتادى. سوندىقتان بۇل جولى جىلىلىقتى، ءتاتتى تاعامدى، تىنىشتىقتى سۇيەتىن قوي ءۇشىن ءتاتتى تاعامدار مەن جىلى كيىمدەر سىيلاۋ ورىندى. سونداي-اق، قويدىڭ ۇركە قارايتىن تاعى ءبىر زاتى -  وت.

سوندىقتان بيىلدىققا ەشكىمگە وتى بار بۇيىم سىيلاماعان دۇرىس.

ولارعا ءتۇرلى شامدار، وتشاشۋلار، وتى بار ويىنشىقتار جاتادى. ءارى استرولوگتاردىڭ ايتۋىنشا، ونداي دۇنيەلەر ۇيگە ۇرىس-كەرىس الىپ كەلەدى. سونىمەن 2015 - جىلى تەك قانا تىنىشتىقتى، بەيبىتشىلىكتى، جىلىلىق پەن مەيىرىمدىلىك سىيلايتىن سىيلىقتاردى تارتۋ ەتۋگە بولادى.

«حابار»