ب. كارىبايەۆتىڭ «قازاق حاندىعىنىڭ قۇرىلۋ تاريحى» اتتى كىتابى «قازاق» ەتنونيمى تۋرالى سىر شەرتەدى
كىتاپتىڭ تۇساۋكەسەرى 25- جەلتوقساندا ءال-فارابي اتىنداعى قازۇۋ-دىڭ تاريح، ارحەولوگيا جانە ەتنولوگيا فاكۋلتەتىندەگى 405№ ءماجىلىس زالىندا وتەدى، دەپ حابارلايدى ج و و-نىڭ باسپا ءسوز قىزمەتىنەن.
قازاقستان رەسپۋبليكاسىنىڭ پرەزيدەنتى ن. ءا. نازاربايەۆ 2014-جىلدىڭ 11- قاراشاسىندا «نۇرلى جول - بولاشاققا باستار جول» اتتى قازاقستان حالقىنا ارنالعان جولداۋىندا 2015-جىلى قازاق حاندىعىنىڭ 550 جىلدىق مەرەكەسى اتاپ وتىلەتىنىن ايتتى.
وسى ورايدا جارىق كورگەن مونوگرافيادا قازاق حاندىعى قۇرىلۋىنىڭ تەوريالىق- ادىستەمەلىك ماسەلەلەرى، حاندىقتىڭ قۇرىلۋىنىڭ زەرتتەلۋى، ونىڭ دەرەكتەرى، ەتنيكالىق جانە ساياسي العى شارتتارى، حاندىقتىڭ قۇرىلۋ بارىسى مەن كەزەڭدەرى، «قازاق» ەتنونيمى، سونداي-اق حاندىقتىڭ قۇرىلۋىنىڭ ماڭىزى سياقتى ماسەلەلەر قاراستىرىلادى.
مونوگرافيا ج و و ستۋدەنتتەرىنە، ماگيسترلار مەن دوكتورانتتارعا، تاريحشىلارعا، قوعامتانۋشىلارعا، جالپى قازاق ەلىنىڭ تاريحىنا قىزىعۋشىلىق تانىتاتىن قالىڭ وقىرمانعا ارنالعان.
