ب. وباما، شي جينپيڭ، ۆ. پۋتين جانە باسقا دا مەملەكەتتەردىڭ باسشىلارى ن. نازاربايەۆتى ق ر تاۋەلسىزدىگى كۇنىمەن قۇتتىقتادى

استانا. قازاقپارات - قازاقستان پرەزيدەنتىنىڭ اتىنا شەتەلدىك مەملەكەتتەر باسشىلارىنان، شەتەلدىڭ جانە قازاقستاننىڭ مەملەكەتتىك، قوعامدىق جانە ىسكەرلىك قۇرىلىمدارى جەتەكشىلەرىنەن، زيالى قاۋىم وكىلدەرىنەن، سونداي- اق قازاقستان مەن تاياۋ شەتەلدەردىڭ قاراپايىم ازاماتتارىنان كوپتەگەن قۇتتىقتاۋ حاتتار كەلىپ ءتۇستى.

بۇل تۋرالى اقوردانىڭ باسپا ءسوز قىزمەتىنەن حابارلادى.

اۆتورلار رەسپۋبليكانىڭ ەگەمەندىك جىلدارىنداعى قارقىندى دامىعانىنا، اۋقىمدى ەكونوميكالىق جانە ساياسي وزگەرىستەرگە، حالىقتىڭ تابىسى ۇلعايىپ كەلە جاتقانىنا، سونداي- اق قازاقستاننىڭ حالىقارالىق ارەنادا زور بەدەلگە يە ەكەندىگىنە توقتالعان.

رەسەي فەدەراتسياسىنىڭ پرەزيدەنتى ۆ. پۋتين ەكى ەلدىڭ اراسىندا دوستىق، سەرىكتەستىك جانە تاتۋ كورشىلىك قارىم- قاتىناس ورناعانىن اتاپ وتكەن.

«ەۋرازيالىق ەكونوميكالىق وداقتىڭ ىسكە قوسىلۋىنا بايلانىستى رەسەي مەن قازاقستاننىڭ ءتۇرلى باعىتتاعى ىنتىماقتاستىعىنىڭ جاڭا پەرسپەكتيۆالارى اشىلۋدا. بىرلەسكەن كۇش- جىگەر ارقىلى ءبىز ءوزارا ءتيىمدى بايلانىستاردى ەكىجاقتى جانە كوپجاقتى فورماتتاردا بۇدان ءارى دە ءتيىمدى ورىستەتە بەرەتىنىمىزگە سەنىمدىمىن»، - دەلىنگەن جەدەلحاتتا.

قىتاي حالىق رەسپۋبليكاسىنىڭ ءتوراعاسى شي جينپيڭ قازاقستان مەن قىتايدىڭ قارىم- قاتىناسى وتە جوعارى دەڭگەيدە دامىپ كەلە جاتقانىن اتاپ وتكەن.

«بۇگىندە قازاقستان مەن قىتاي قاتىناستارىنىڭ دامۋىندا جاڭا ءۇردىس ساقتالىپ وتىر، ەكى ەلدىڭ ىنتىماقتاستىعى بارلىق باعىتتار بويىنشا جان- جاقتى دامىپ كەلەدى. ءبىز ەلدەرىمىزدىڭ يگىلىگى ءۇشىن قازاقستان- قىتاي ستراتەگيالىق سەرىكتەستىگىن جاڭا ساپالى دەڭگەيگە كوتەرۋگە دايىنبىز»، - دەلىنگەن حاتتا.

مەملەكەت باسشىسىنىڭ اتىنا ءوز قۇتتىقتاۋىن جولداعان ا ق ش پرەزيدەنتى باراك وباما نۇرسۇلتان نازاربايەۆقا بەيبىتشىلىك پەن وركەندەۋدى نىعايتۋداعى قازاقستاننىڭ كەمەل كوشباسشىلىعى ءۇشىن ريزاشىلىعىن بىلدىرگەن.

«وڭىردەگى ەكونوميكالىق جانە ادامي بايلانىستاردى قالىپتاستىرۋداعى ءسىزدىڭ ۇلەسىڭىز جانە قارۋ تاراتپاۋ ىسىندەگى ورنىقتى ۇستانىمىڭىز جوعارى باعالانادى. شتاتتار ءبىزدىڭ سەرىكتەستىگىمىزدى جانە ادامزاتقا تونگەن سىن- قاتەرلەرگە، مەيلى ول كليماتتىڭ وزگەرۋىنە، اۋرۋدىڭ تارالۋىنا نەمەسە لاڭكەستىككە قارسى بولسىن، بىرلەسكەن جۇمىستى ءارى قاراي دامىتۋعا پەيىلدى» ، - دەلىنگەن حاتتا.

گەرمانيا فەدەراتيۆتىك رەسپۋبليكاسىنىڭ كانتسلەرى انگەلا مەركەل مەملەكەت باسشىسى اتىنا جولداعان قۇتتىقتاۋ حاتىندا قازاقستان مەن گەرمانيا اراسىنداعى قاتىناستاردىڭ بۇدان ءارى دامي بەرەتىنىنە سەنىم بىلدىرگەن.

ال گەرمانيا فەدەراتيۆتىك رەسپۋبليكاسىنىڭ پرەزيدەنتى ي. گاۋك ەۋروپا مەن ورتالىق ازيا اراسىنداعى قاتىناستاردى نىعايتۋدا، سونداي- اق وڭىرلىك ىنتىماقتاستىقتى كەڭەيتۋدە قازاقستاننىڭ ماڭىزدى ءرول اتقاراتىنىن اتاپ كورسەتەدى.

«گەرمانيا سەنىمدى سەرىكتەس رەتىندە قازاقستاننىڭ جوسپارلارىن جۇزەگە اسىرۋىنا الداعى ۋاقىتتا دا قولداۋ كورسەتەتىن بولادى»، - دەلىنگەن حاتتا.

شۆەيساريا كونفەدەراتسياسىنىڭ پرەزيدەنتى ديدە بۋركحالتەر ءوز حاتىندا قازاقستان حالقىنا يگىلىك پەن ب ا ق- بەرەكە تىلەيدى، سونداي- اق ەكى ەل اراسىنداعى دوستىق قاتىناستار كەلەر جىلى دا جالعاساتىنىنا سەنىم بىلدىرەدى.

بەلارۋس رەسپۋبليكاسىنىڭ پرەزيدەنتى تاۋەلسىزدىك جىلدارى قازاقستان ءوز مەملەكەتتىلىگىن نىعايتۋدا، الەۋمەتتىك- ەكونوميكالىق دامۋدا تاڭعالارلىق تابىستارعا جەتىپ، حالىقارالىق ارەنادا مويىندالعانىنا توقتالعان.

وزبەكستان رەسپۋبليكاسىنىڭ پرەزيدەنتى ي. كارىموۆ وزبەك- قازاق قارىم- قاتىناستارى الداعى ۋاقىتتا دا ەكى ەل حالىقتارىنىڭ مۇددەسىنە ساي كەڭەيىپ، نىعايا بەرەتىنىنە، وڭىردەگى بەيبىتشىلىك پەن تۇراقتىلىققا سەپتىگىن تيگىزەتىنە سەنىم بىلدىرگەن.

ارمەنيا رەسپۋبليكاسىنىڭ پرەزيدەنتى سەرج سارگسيان ءوز قۇتتىقتاۋىندا ەكىجاقتى فورماتتاعى، سونداي- اق وڭىرلىك جانە حالىقارالىق ۇيىمدار اياسىنداعى ارميان- قازاق تىعىز ىنتىماقتاستىعى ەكى ەلدىڭ مەملەكەتارالىق قارىم- قاتىناستارىن جاڭا ساپالى دەڭگەيگە شىعارۋدى قامتاماسىز ەتەتىنىن اتاپ وتكەن.

قۇتتىقتاۋ سوزدەرى مەن تاتۋلىق، باق- بەرەكە تىلەگەن جىلى لەبىزدەر مولدوۆا رەسپۋبليكاسىنىڭ پرەزيدەنتى نيكولاە تيموفتيدەن كەلدى.

«مولدوۆا رەسپۋبليكاسى مەن قازاقستان رەسپۋبليكاسىنىڭ اراسىنداعى ءداستۇرلى دوستىق جانە ءوزارا تۇسىنىستىك نەگىزدەگى قارىم- قاتىناستار ەكىجاقتى ىنتىماقتاستىقتى الداعى ۋاقىتتا دا ءبىزدىڭ ەلدەرىمىز بەن حالىقتارىمىزدىڭ يگىلىگى ءۇشىن دامىتىپ، كەڭەيتۋگە سەپتىگىن تيگىزەتىنىنە نىق سەنىمدىمىن»، - دەلىنگەن حاتتا.

تاۋەلسىزدىك كۇنىمەن قۇتتىقتاپ، قازاقستان حالقىنا باق- بەرەكە تىلەگەندەردىڭ قاتارىندا ريم پاپاسى فرانسيسك، جاپونيا يمپەراتورى اكيحيتو، ساۋد ارابياسىنىڭ كورولى ابداللا بەن ابدەل ءازيز ءال- ساۋد، تايلاند كورولى پحۋميپون ادۋليادەت، نيدەرلاند كورولى ۆيللەم- الەكساندر، بەلگيا كورولى فيليپپ، ساۋد ارابياسى كورولدىگى مينيسترلەر كەڭەسى ءتوراعاسىنىڭ ورىنباسارى، تاق مۇراگەرى، قورعانىس ءمينيسترى سالمان بەن ابدەل ءازيز ءال- ساۋد، اۆستريا رەسپۋبليكاسىنىڭ فەدەرالدىق پرەزيدەنتى ح. فيشەر، يزرايل مەملەكەتىنىڭ پرەزيدەنتى رەۋۆەن ريۆلين، يراك رەسپۋبليكاسىنىڭ پرەزيدەنتى ف. ماسۋم، يرلانديا پرەزيدەنتى م. حيگگينس، كيپر رەسپۋبليكاسىنىڭ پرەزيدەنتى ن. اناستاسياديس، كورەيا رەسپۋبليكاسىنىڭ پرەزيدەنتى پاك كىن حە، كۋبا پرەزيدەنتى راۋل كاسترو، ميانما وداعى رەسپۋبليكاسىنىڭ پرەزيدەنتى تەين سەين بار.

گەرمانيانىڭ بۇرىنعى فەدەرالدىق كانسلەرى گەرحارد شرەدەردىڭ حاتىندا قازاقستاننىڭ تابىستارى حالىقارالىق قوعامداستىق تاراپىنان مويىندالعانى جانە كوشباسشىسىنىڭ ەسىمىمەن تىكەلەي بايلانىستى ەكەنى ايتىلعان.

«ءسىزدىڭ ەل ايتارلىقتاي تابىستارعا جەتتى جانە سونىمەن بىرگە تۇراقتىلىق پەن قۇرمەتتەۋگە لايىقتى حالىقارالىق جاۋاپكەرشىلىكتىڭ جوعارى دارەجەسىن كورسەتتى»، - دەپ اتاپ وتكەن گ. شرەدەر.

سونداي- اق قۇتتىقتاۋ جەدەلحاتتارى حالىقارالىق ۇيىمداردىڭ باسشىلارىنان دا كەلدى. ولاردىڭ قاتارىندا مەملەكەت ارالىق اۆياتسيالىق كوميتەتتىڭ ءتوراعاسى ت. انودينا، «مير» م ت ر ك ءتوراعاسى ر. باتىرشين بار.

تۇركى اكادەمياسىنىڭ پرەزيدەنتى د. قىدىرالى مەملەكەت باسشىسىنىڭ جەتەكشىلىگىمەن قازاقستان دامۋدىڭ جولىمەن قارقىندى ءجۇرىپ كەلە جاتقانىن ايتىپ، ەلىمىزدىڭ ماڭىزدى قۇندىلىقتارىن تۇركى الەمىندە ىلگەرىلەتۋ ءۇشىن ءوزىنىڭ بار كۇش- جىگەرىن جۇمساۋعا دايىن ەكەنىنە سەندىرگەن.

حات- حابارلاردىڭ ايتارلىقتاي بولىگى رەسەي فەدەراتسياسىنان كەلدى. قازاقستان رەسپۋبليكاسىنىڭ تاۋەلسىزدىك كۇنىنە وراي ينگۋشەتيا رەسپۋبليكاسىنىڭ باسشىسى يۋ. ەۆكۋروۆ، پەنزا وبلىسىنىڭ گۋبەرناتورى ۆ. بوچكاريەۆ، كالينينگراد وبلىسىنىڭ گۋبەرناتورى ن. تسۋكانوۆ، ك س ر و حالىق ءارتىسى، سوتسياليستىك ەڭبەك ەرى ە. وبرازتسوۆا، گەرونتولوگيا جانە گەرياتريا ەۋروپالىق قاۋىمداستىعىنىڭ پرەزيدەنتى، ر ع ا گەرونتولوگيالىق قوعامىنىڭ ۆيتسە- پرەزيدەنتى ۆ. حاۆينسون، سونداي- اق ماسكەۋدەن روگاليەۆتەر وتباسى مەن ماحاچكالا قالاسىنىڭ تۇرعىنى ا. گاۆريلوۆ قۇتتىقتاۋ تىلەكتەرىن جولداعان.

تاۋەلسىزدىك كۇنى مەرەكەسىمەن قۇتتىقتاعان كوپتەگەن حاتتار مەن جەدەلحاتتار «نۇر وتان» پارتياسىنىڭ مۇشەلەرىنەن، مينيسترلىكتەر مەن ۆەدومستۆولاردىڭ باسشىلارىنان، پارلامەنت دەپۋتاتتارىنان، وبلىستاردىڭ، قالالار مەن اۋدانداردىڭ اكىمدەرىنەن كەلدى.

ەلىمىزدىڭ تاۋ- كەن مەتاللۋرگيا جانە قارجى سالاسىنداعى جەتەكشى كومپانيالاردىڭ باسشىلارى دا يگى تىلەكتەرى مەن قۇتتىقتاۋلارىن جولدادى. ولاردىڭ قاتارىندا «شيەۆرون» كورپوراتسياسىنىڭ ەۋرازيالىق بولىمشەسىنىڭ باسقارۋشى ديرەكتورى س. دەۆيس، «تەڭىزشيەۆرويل» كومپانياسىنىڭ باس ديرەكتورى ت. ميللەر جانە باس ديرەكتوردىڭ ورىنباسارى ا. جاكيەۆ، قازاقستانداعى «ارسەلورميتتال» كاسىپورنىنىڭ باس ديرەكتورى ۆ. ماحاديەۆان، كومپانيانىڭ قارجى ديرەكتورى س. گحوش، سونداي- اق كومپانيانىڭ ۇكىمەتپەن جۇمىستى ۇيلەستىرۋ جانە الەۋمەتتىك ماسەلەلەر جونىندەگى ديرەكتورى ن. رىسپەكوۆ، «قازاقستاننىڭ حالىق بانكى» ا ق باسقارما ءتوراعاسى ءۇ. شاياحمەتوۆا، «وسكەمەن تيتان- ماگني كومبيناتى» ا ق پرەزيدەنتى ا. مامۋتوۆا بار.

قازاقستان پرەزيدەنتىن ەۋرازيالىق توپتىڭ مىڭداعان ادامنان تۇراتىن كەنشىلەر مەن مەتاللۋرگتەر ۇجىمى اتىنان وسى ۇيىمنىڭ باسشىلارى ا. ماشكيەۆيچ، پ. شوديەۆ جانە ا. يبراگيموۆ قۇتتىقتادى. ولار ءوز حاتتارىندا تاۋەلسىزدىك جىلدارى مۇلدە جاڭا مەملەكەت قۇرىلعانىنا توقتالىپ وتكەن.

«بۇكىل وسى جىلدار ىشىندە ءسىزدىڭ كەمەڭگەر ساياساتىڭىزدىڭ ارقاسىندا تاۋەلسىز قازاقستان بارلىق سالادا اسا اۋقىمدى رەفورمالاردى جۇزەگە اسىرىپ، ەكونوميكانىڭ تۇراقتى وسىمىنە قول جەتكىزدى، ادىلەتتى الەۋمەتتىك ساياسات جانە قوعامدى ۇدەمەلى دەموكراتيالاندىرۋ ءىسىن جۇرگىزىپ كەلەدى» ، - دەيدى اۆتورلار.

بۇعان قوسا جىلى لەبىزدەرىن ۇلتتىق عىلىم اكادەمياسىنىڭ پرەزيدەنتى، اكادەميك م. جۇرىنوۆ، م. ايتحوجين اتىنداعى مولەكۋليارلىق بيولوگيا ينستيتۋتىنىڭ ديرەكتورى، اكادەميك ن. ايتحوجينا، ق ر جوعارى وقۋ ورىندارى قاۋىمداستىعىنىڭ ءتوراعاسى، پروفەسسور ر. الشانوۆ، جازۋشى س. دوسانوۆ، رەسپۋبليكالىق ارداگەرلەر ۇيىمىنىڭ ءتوراعاسى ءو. وزعانبايەۆ، ق ر ءبىلىم جانە عىلىم مينيسترلىگى عىلىم كوميتەتىنىڭ بيولوگيالىق قاۋىپسىزدىك ماسەلەلەرى عىلىمي- زەرتتەۋ ينستيتۋتىنىڭ زەرتحانا مەڭگەرۋشىسى ج. قوشەمەتوۆ، ورال جانە اقتوبە ارحيەپيسكوپى انتونيي، الماتى قالاسىنىڭ تۇرعىندارى ع. شىڭعىسوۆ جانە ا. كۋتيشيەۆ، شىمكەنت قالاسىنان و. كوشەكبايەۆ، استانا قالاسىنان ب. دۋشايەۆ، ا. اسەتوۆ جانە ج. عابدراشيت، سەمەي قالاسىنان م. جاقاشبايەۆ جانە ا. ماناپوۆ، قىزىلوردا قالاسىنان ا. ارىنوۆا، پاۆلودار قالاسىنان ە. توقتاعازى قىزى، جامبىل وبلىسىنان د. وكسىكبايەۆا، ە. سەرىكبايەۆ جانە ت. تاڭات، قاراعاندى وبلىسىنان ا. ماشكوۆ جانە ا. الدوڭعاروۆا، اقمولا وبلىسىنان ب. وسپان ۇلى، شىمكەنت قالاسىنان №80 مەكتەپ- گيمنازياسىنىڭ وقۋشىسى ا. ارتىقباي، اقتاۋ قالاسىنان 1-سىنىپ وقۋشىسى ت. كۇلىباي، شىعىس قازاقستان وبلىسى زايسان قالاسىنداعى مەكتەپ- ينتەرناتتىڭ 7 «ا» سىنىپ وقۋشىسى ن. بەكتۇروۆا جولدادى.

كەلىپ تۇسكەن حاتتارمەن تانىسىپ شىققان مەملەكەت باسشىسى قۇتتىقتاۋ جولداعان بارلىق اۆتورلارعا جىلى لەبىزدەرى مەن تىلەكتەرى ءۇشىن ريزاشىلىعىن بىلدىرەدى.