بەردىبەك ساپاربايەۆ ەلىمىزدىڭ جۇمىس كۇشى كوپ ايماقتارىنان جۇمىس كۇشى تاپشى ايماقتارىنا كوشىرۋ بويىنشا شارالاردى جالعاستىرۋ قاجەتتىلىگىنە ەرەكشە توقتالدى

استانا. قازاقپارات - كەشە ق ر پرەمەر- ءمينيسترىنىڭ ورىنباسارى بەردىبەك ساپاربايەۆ شىعىس قازاقستان وبلىسىنا جۇمىس ساپارىن جاسادى. ۆيتسە- پرەمەرمەن بىرگە وبلىسقا دەنساۋلىق ساقتاۋ جانە الەۋمەتتىك دامۋ ءمينيسترى ت. دۇيسەنوۆا، ءبىلىم جانە عىلىم ءمينيسترى ا. ءسارىنجىپوۆ باردى.

بۇل تۋرالى ق ر ۇكىمەت باسشىسىنىڭ باسپا ءسوز قىزمەتىنەن حابارلاندى.

ريددەر قالاسىندا ب. ساپاربايەۆ «جۇمىسپەن قامتۋ 2020 جول كارتاسىنىڭ» ىسكە اسىرىلۋىمەن تانىسىپ، اتالعان باعدارلاما اياسىندا سالىنعان 60 پاتەرلى تۇرعىن ۇيگە باردى. ش ق و- داعى ج ق ج ك- نى قارجىلاندىرۋ ءۇشىن رەسپۋبليكالىق بيۋدجەتتەن 2014 -جىلى 11 ميللياردتان استام تەڭگە بولىنگەن.

اگرارلىق- تەحنيكالىق كوللەدجدە ۆيتسە- پرەمەر ەلىمىزدىڭ جۇمىس كۇشى كوپ ايماقتارىنان كەلىپ، ق ر  ءبىلىم جانە عىلىم مينيسترلىگىنىڭ «سەرپىن» باعدارلاماسىمەن ءبىلىم الىپ جۇرگەن ستۋدەنتتەرىمەن كەزدەستى.

پرەمەر- ءمينيستردىڭ ورىنباسارى سونداي- اق «شىعىس قازاقستان - تۇرۋعا جانە وتباسىنىڭ دەموگرافيالىق دامۋى ءۇشىن جايلى ايماق» فورۋمىن وتكىزدى. ونىڭ جۇمىسىنا ورتالىق جانە جەرگىلىكتى اتقارۋشى ورگانداردىڭ باسشىلارى، حالىقارالىق ۇيىمداردىڭ، قوعامدىق بىرلەستىكتەردىڭ وكىلدەرى قاتىستى.

فورۋمداعى تالقىلاۋ بارىسىندا دەموكراتيالىق دامۋدىڭ نەگىزگى بەتالىستارى مەن ەلدەگى، سونىڭ ىشىندە ش ق و- دا كوشى- قون پروتسەستەرىنىڭ ەڭبەك نارىعىنا اسەرى قاراستىرىلدى.

فورۋمنىڭ قورىتىندىلارى شىعارعان ب. ساپاربايەۆ سايكەستەندىرىلگەن ورگاندارعا ءبىرقاتار تاپسىرمالار بەردى.

اتاپ وتكەندە، ول حالىقتى ەلىمىزدىڭ جۇمىس كۇشى كوپ ايماقتارىنان جۇمىس كۇشى تاپشى ايماقتارىنا كوشىرۋ بويىنشا شارالاردى جالعاستىرۋ قاجەتتىلىگىنە ەرەكشە توقتالدى. سونىمەن بىرگە، ب. ساپاربايەۆ سولتۇستىك ايماقتارداعى ۇزاقمەرزىمدى كەزەڭگە جۇمىس ورىندارىن قۇرۋمەن ءىرى ينفراقۇرىلىمدىق جوبالاردى ىسكە اسىرۋ ماسەلەسىن قاراستىرۋدى تاپسىردى.

فورۋم اياسىندا سونداي- اق، ريددەر قالاسىنىڭ جۇمىس بەرۋشىلەر مەن «جۇمىسپەن قامتۋ جول كارتاسى-2020» باعدارلاماسى بويىنشا كوشىپ كەلۋشىلەر اراسىندا ەڭبەك كەلىسىمشارتتارىنا قول قويىلدى.

تۇستەن كەيىن وسكەمەندە ۆيتسە- پرەمەر سپورتتاعى دارىندى بالالارعا ارنالعان 200 ورىندىق وبلىستىق مەكتەپ- ينتەرناتىنىڭ اشىلۋىنا قاتىستى.

جۇمىس ساپارىنىڭ بارىسىندا ۆيتسە- پرەمەر سەمەي قالاسىنىڭ دەنساۋلىق ساقتاۋ نىساندارىنا باردى. جەكەمەنشىك كەڭەس بەرۋشى- دياگنوستيكالىق ەمحانانىڭ، ايماقتىق ونكولوگيالىق ديسپانسەرىنىڭ جانە بالالارعا ارنالعان تۋبەركۋلەزگە قارسى اۋرۋحانانىڭ قىزمەتىمەن تانىستى.

 پرەمەر- مينيستر ورىنباسارىنىڭ ساپارى سەمەي قالاسىنىڭ جۇرتشىلىعىمەن كەزدەسۋىمەن اياقتالدى. كەزدەسۋ بارىسىندا «نۇرلى جول» باعدارلاماسىنىڭ نەگىزگى باعىتتارى، مەملەكەتتىك جانە سالالىق باعدارلامالاردى ىسكە اسىرۋ ماسەلەلەرى، مەديتسينالىق تۋريزمدى دامىتۋ، سونداي- اق مەملەكەت باسشىسىنىڭ تاپسىرمالارىن ورىنداۋ اياسىندا راديولوگيالىق مەديتسينا حولدينگىن قۇرۋ ماسەلەلەرى ورتاعا سالىندى.