ن. نازاربايەۆ پ. پوروشەنكونى قازاقستانعا ساپارمەن كەلۋگە شاقىردى

كيەۆ. قازاقپارات - قازاقستان ۋكراينالىق كومپانيالاردى جول، اۋەجاي، ءۇي سالۋعا شاقىرادى. بۇل تۋرالى بۇگىن ق ر پرەزيدەنتى نۇرسۇلتان نازاربايەۆ ۋكراينا پرەزيدەنتى پەتر پوروشەنكومەن كەڭەيتىلگەن قۇرامداعى كەلىسسوزدەردەن كەيىنگى بريفينگ بارىسىندا ايتتى، دەپ حابارلايدى قازاقپارات ءتىلشىسى.

«مەن پەتر الەكسەيەۆيچتى قازاقستانعا ساپارمەن كەلۋگە، ولاردىڭ وزدەرى ءتۇيىسۋ نۇكتەسىن تابۋى ءۇشىن ءبىزدىڭ بيزنەسمەندەردىڭ فورۋمىن ۇيىمداستىرۋعا شاقىردىم»، - دەدى ق ر پرەزيدەنتى.

وسى رەتتە ەلباسى قازاقستاندا جۇزەگە اسىرىلىپ جاتقان يندۋستريالاندىرۋ باعدارلاماسى جايىندا تارقاتا ايتىپ بەردى.

«قازاقستان مۇنايعا، گازعا مينەرالدارعا وتە باي. دەگەنمەن، وزدەرىڭىز دە كورىپ تۇرعانداي، ول اۋمالى- توكپەلى جانە ءبىز قازىرگى ۋاقىتتا بالاما ەنەرگەتيكامەن جۇمىس ىستەۋدەمىز. قازاقستان ءوز قورلارىنان تەمىر، اۆتوموبيل جولدارىن سالۋ، تۇرعىن ۇيلەردى جوندەۋگە مول قارجى بولۋدە»، - دەدى ن. نازاربايەۆ.

 ق ر پرەزيدەنتىنىڭ اتاپ وتۋىنشە، بۇل جۇمىستارعا قازاقستان 9 ميلليارد دوللار بولۋدە. ءدال وسىنداي كولەمدەگى قارجىنى حالىقارالىق بانكتەر مەن قىتاي بەرەتىن بولادى.

«ياعني، شامامەن 30 ميلليارد دوللار جۇمساماقپىز جانە جەڭىلدىكتەر جاسايمىز. ۋكراينالىق كومپانيالاردى بىزدەرمەن بىرلەسىپ، تەمىر جول، اۆتوموبيل جولدارىن، تۇرعىن ءۇي، كوممۋنالدىق شارۋاشىلىق، اۋەجايلار، كاسپي تەڭىزىندە پورت سالۋعا شاقىرامىز»، - دەدى ەلباسى.

 اۆتور: مارلان جيەمباي