قازاقستاندا مەكەنجايعا جالعان تىركەۋگە تۇرعاندارعا ايىپپۇل سالىنادى
كەلەر جىلدىڭ 1- قاڭتارىنان باستاپ كۇشىنە ەنەتىن «ق ر اكىمشىلىك قۇقىق بۇزۋشىلىق تۋرالى» جاڭا كودەكسىندە وسىنداي نورما قاراستىرىلعان. تالاپتى بۇزعاندار اكىمشىلىك جاۋاپكەرشىلىككە تارتىلادى. ايىپپۇلدار باسپانا يەلەرىمەن قاتار، تىركەۋگە تۇرۋشىلارعا دا سالىناتىن بولادى. قۇجاتتى دايىنداۋشىلار بۇل نورما ارقىلى ءوز ۇيىنە ادام تىركەۋدى اقشا كوزىنە اينالدىرعاندار قاتارىن ازايتۋدى كوزدەپ وتىر.
زاڭعا سايكەس، مۇنداي تىيىمدى ەسكەرمەگەن ءۇي يەلەرىنە 5 ا ە ك، ياعني 9910 تەڭگە كولەمىندە ايىپپۇل سالىنادى. ال تىركەۋگە تۇرعاندارعا قاتىستى تۇزەتۋلەر ازىرشە كۇشىنە ەنگەن جوق، ياعني سالىناتىن ايىپپۇل كولەمى بەكىتىلە قويعان جوق. زاڭ بۇزۋشىلار رەسپۋبليكا بويىنشا مەكەنجاي مالىمەتتەرى بازاسى ارقىلى انىقتالادى. ول الداعى جىلى جاسالۋى ءتيىس. مالىمەتتەر بازاسىندا بەلگىلى ءبىر پاتەردە قانشا ادامنىڭ تىركەلگەنى ناقتى كورسەتىلەتىن بولادى.
