نۇرسۇلتاننىڭ بويىنان بابامىزدان قالعان كەمەڭگەرلىك، شەشەندىك قاسيەتتەردى كورگەندەي بولامىن - م. جولداسبەكوۆ
«نۇرلى جول»، ودان كەيىنگى ەگەمەندىگىمىزدىڭ 23 جىلدىعىنا ارنالعان ەلباسىمىزدىڭ «تاۋەلسىزدىك تولعاۋ» - وسىلاردى تىڭداپ وتىرىپ، ءبىزدىڭ نۇرسۇلتان ءابىش ۇلىنىڭ بويىندا بابامىزدان قالعان دانالىق، كەمەڭگەرلىك، جىراۋلىق، شەشەندىك قاسيەتتەردى ءوزىم كورگەندەي بولامىن»، - دەيدى جازۋشى.
«بيىلعى باياندامالارى ەرەكشە بولدى. مەن بۇنى «تاۋەلسىزدىك تولعاۋى» دەپ اتادىم دەدى، ەستەرىڭىزدە بولسا. مەن ءوزىم قاتتى تەبىرەندىم، شىنىندا دا بۇل كىسى وسى جولى تاريحقا تەرەڭ بارلاۋ جاسادى. وتكەنىمىزگە شولۋ جاسادى. قازاق حالقى كەشەگى كەڭەس وداعى وقىتقانداي، ءاپ-ساتتە، تابان استىندا پايدا بولعان حالىق ەمەس. قازاق حالقىنىڭ باعزى زامانداردان كەلە جاتقان بايتاق، تەرەڭ تاريحى بار. تالاي مەملەكەتتەردى قۇرعان، سوعان قاتىسقان، مەملەكەتتىك قۇرىلىمداردىڭ جۇيەسىنە ارقاۋ بولعان، نەگىز بولعان حالىقپىز»، - دەپ اتاپ ءوتتى م. جولداسبەكوۆ.
ونىڭ ايتۋىنشا، قازىرگى كۇننىڭ باستى ماقساتتارىنىڭ ءبىرى - رۋحاني بايلىق. سول سەبەپتى م. جولداسبەكوۆ «قازاقتىڭ سان مىڭداعان تاريحى جاس ۇرپاقتىڭ قۇلاعىنا ءسىڭىرۋ كەرەك» دەپ سانايدى.
«ەلباسىمىزدىڭ ايتىپ وتىرعانى، اۋەلى بۇنى جاس ۇرپاقتىڭ ساناسىنا ءسىڭىرۋ كەرەك. مەن ويلايمىن، مەكتەپتەرىمىزدىڭ، جوعارى وقۋ ورىندارىنىڭ مىندەتتەرى بۇرىنعىدان دا اۋىرلادى. ءبىز جاستاردىڭ ساناسىنا اتا تاريحىن قۇيۋىمىز كەرەك. ماسەلەن، ەۋروپانىڭ قايبىر جەرلەرىندە و زامانداردا مۇلگىپ، ۇيىقتاپ جاتقان كەزدە، ءبىزدىڭ بۇل وڭىردە ۇلكەن وركەنيەت بولعان. ەندى وسىنى بىزگە ايتقىزبادى. ءبىزدىڭ قازاقتىڭ تاريحى جوق، وتكەنى جوق دەپ تە ايتىپ كەلدى. تاريحتى بىزگە جازعىزبادى. ءبىزدىڭ تاريحىمىزدى وزگەلەر بۇرىپ جازدى، ءبىزدىڭ ءوز تاريحىمىز بولماي قالدى، وكىنىشتى. سوندىقتان ءبىزدىڭ جاستارىمىزدىڭ كوپ ۋاقىتقا دەيىن ساناسىنىڭ ءار ءتۇرلى بولىپ، قالىپتاسا قويماعانى، ۇلتتىق قاسيەتى ونىڭ قانىنا، سۇيەگىنە داري قويماعانىنىڭ ءبىر سەبەبى وسىندا ەدى»، - دەپ ءتۇيدى ويىن ول.
اۆتور: جاسۇلان جولدىبايەۆ
