بريتانيادا وقۋىن اياقتاعان شەتەلدىك ستۋدەنتتەر ەلدەن كەتىرىلمەك
سوڭعى جىلدارى بىرىككەن كورولدىككە كوپتەپ كەلگەن شەتەلدىك ستۋدەنتتەرگە قاتىستى جاعدايدى قالپىنا كەلتىرۋ ءۇشىن ءى ءى م دايىنداعان شارالار كەشەنى سوعان دالەل.
جاڭا ەرەجەلەر 2015 - جىلى مامىردا وتەتىن سايلاۋدا كونسەرۆاتورلار جەڭىسكە جەتكەن جاعدايدا ەنگىزىلەدى دەپ بولجانۋدا، دەپ حابارلادى پرەسس اسسوشيەيشن اگەنتتىگى.
وعان سايكەس ەۋرووداققا كىرمەيتىن مەملەكەتتەردەن كەلگەن ستۋدەنتتەر وقۋىن ءتامامداعان سوڭ بىردەن ەلدەن كەتۋگە ءماجبۇر بولادى.
قازىرگى ۋاقىتتا ستۋدەنتتەردىڭ باسىم بولىگى وقۋىن بىتىرگەننەن كەيىن از عانا كۇندەردىڭ ىشىندە ۆيزاسىن جۇمىس ۆيزاسىنا قايتا راسىمدەپ الادى. بۇل ءۇشىن ولارعا بىرىككەن كورولدىكتەن كەتۋدىڭ قاجەتى جوق. كەيبىرەۋلەرى رەسمي كوشى-قون ورگاندارىنا بارماي-اق، ەلدە زاڭسىز دا جۇرە بەرەدى.
پرەسس اسسوشيەيشن دەرەكتەرىنە ساي، ەلدىڭ ءى ءى م باسشىسى تەرەزا مەي يمميگراتسيا بويىنشا ستاتيستيكا جاريالانعان سوڭ وسىنداي قاتاڭ شاراعا كوشتى. بۇل مالىمەتتەرگە سايكەس، 2013 - جىلدىڭ ماۋسىم ايىنان 2014 - جىلدىڭ ماۋسىمىنا دەيىن ەلگە كەلگەن شەتەلدىكتەردىڭ سانى 260 مىڭ ادامدى قۇراعان.
ايتا كەتەۋ كەرەك، قازىرگى پرەمەر-كونسەرۆاتور دەۆيد كەمەروننىڭ سايلاۋ الدىندا بەرگەن ۋادەلەرىنىڭ ءبىرى 2015 - جىلعا قاراي يمميگرانتتاردىڭ ەلگە كەلۋ كورسەتكىشىن «جىلىنا 100 مىڭ ادامنان كەم» دەڭگەيىنە دەيىن جەتكىزۋ بولاتىن.
