12:20, 21 - جەلتوقسان 2014 | GMT +5
ەكى قىزدىڭ قۇرمەتىنە مەشىت اشىلدى
استانا. قازاقپارات - البانيا مەملەكەتىنىڭ سولتۇستىك-باتىسىندا ورنالاسقان شكودەر قالاسىندا مەشىت اشىلدى. جاڭا قۇلشىلىق ورداسىنىڭ اتاۋى دا ايرىقشا: «ەكى قىزدىڭ مەشىتى: سارى جانە شەحد».
مەشىتتىڭ سالتاناتتى اشىلۋ شاراسى شكودەر ءمۇفتيى مۋحاممەد سيتاري، ءدىن ىستەرى كوميتەتىنىڭ ءتوراعاسى يلير حوحولي، قالالىق كەڭەس ءتوراعاسى ماحيد كانگۋ جانە البان يسلام ينستيتۋتىنىڭ پرەزيدەنتى راميز زەكاي قاتىسىپ، تىلەكتەرىن ءبىلدىردى. سالتاناتتى شارادان سوڭ جينالعاندار مەشىت ىشىنە كىرىپ، جاماعاتپەن بىرگە ناماز وقىلدى. جاڭا قۇلشىلىق ورداسىنا وسىدان ەكى جىل بۇرىن جول اپاتىنان قايتىس بولعان ەكى قىزدىڭ ەسىمى بەرىلگەن. ولاردىڭ اكەسى احمەد ءال-شەي مەشىتتى قايىرىمدىلىق شاراسى رەتىندە تۇرعىزعان كورىنەدى.
BNews.kz.
