ا ق ش اسكەريلەرى يراكتا ۇلداردى انالارىنىڭ كوزىنشە زورلاعان
بەلگىلى جۋرناليست سەيمۋر حەرشتىڭ ايتۋىنشا، «ابۋ- گرەيب» تۇرمەسىندەگى وقيعالار وسى كەزگە دەيىن جۇرتشىلىققا جاريا ەتىلگەن ەمەس. وتكەن اپتادا حەرش ازاماتتىق بوستاندىقتى قورعاۋدىڭ امەريكالىق وداعىندا ءسوز سويلەپ، امەريكالىق اسكەريلەردىڭ ۇل بالالاردى ولاردىڭ انالارىنىڭ كوزىنشە زورلاپ، مۇنىڭ ءبارىن كامەراعا تۇسىرگەنىن ايتتى.
«جىگىتتەردى سودوميا ارەكەتىمەن اينالىسۋعا ماجبۇرلەپ، ونى ۆيدەوعا ءتۇسىردى، ەڭ سوراقىسى بالالاردىڭ جانايقايى بولدى. ءبىزدىڭ ۇكىمەت وسىلاي سوعىسىپ جاتىر»، - دەدى قۇقىق قورعاۋشى. ول ا ق ش اكىمشىلىگىن اسكەري قىلمىستاردى جاسىرۋعا جاردەمدەستى دەپ ايىپتادى.
TheAntiMedia ون جىل بۇرىن The Guardian باسىلىمىنىڭ «ابۋ- گرەيب» تۇرمەسى تۇتقىنىنىڭ جاۋاپتارىن جاريا ەتكەنىن ەسكە سالادى. ول كەزدە كاسيم حيلاس ەسىمدى تۇتقىن امەريكالىق اسكەريلەردىڭ ءبىرىنىڭ كامەرا ىشىندە يراك جاسوسپىرىمىن زورلاعانىن، ال ونى سارباز ايەلدىڭ فوتوعا تۇسىرگەنىن ايتتى.
«ەندى ارادا ون جىل وتكەننەن كەيىن وسى جانتۇرشىگەرلىك وقيعالاردىڭ دالەلدەرى اشكەرەلەنە باستادى، ءبىراق پەنتاگون بۇرىنعىسىنشا ءبارىن جابۋعا تىرىسىپ باعادى»، - دەپ جازادى باسىلىم.
«ابۋ-گرەيب» تۇرمەسى باعدادقا جاقىن جەردە ورنالاستى. ساددام حۋسەين بيلىكتەن قۋىلعاننان كەيىن امەريكالىقتار ونى باتىس كواليتسياسى كۇشتەرىنە قارسى قىلمىس جاساعان يراكتىقتاردى ۇستايتىن جازا وتەۋ ورنىنا اينالدىردى. بۇل تۇرمەدە 2004-جىلدىڭ ساۋىرىندە ادامداردى ازاپتاۋدىڭ اتىشۋلى دەرەگى جاريا بولدى. CBS ارناسى امەريكالىق اسكەريلەردىڭ سوتتالعانداردى قالاي قورلايتىنى تۋرالى سيۋجەتتى كورسەتتى. ءبىرقاتار قورىتىندىعا قاراعاندا، ا ق ش ساربازدارى يراكتىقتارعا جىنىستىق زورلىق كورسەتكەن، ولاردى ات قىلىپ مىنگەن، دارەتحانا تەسىگىندەگى تاماقتاردى الىپ جەۋگە ماجبۇرلەگەن.
كەيىن ا ق ش قارۋلى كۇشتەرىنىڭ 12 اسكەريى «ابۋ-گرەيب» تۇرمەسىندەگى قورلاۋ ارەكەتتەرى ءۇشىن سوتتالدى.
