سەگىز بالانى ولتىرگەن كۇدىكتى تۇتقىندالدى

استانا. قازاقپارات - اۆستراليالىق پوليتسيا كەرنس قالاسىنا (كۆينسلەند شتاتى) جاقىن ەلدى مەكەندەگى ۇيدە ولتىرىلگەن بالالاردىڭ اناسىن تۇتقىندادى.

بۇل تۋرالى ا ر حابارلادى.

وعان ازىرگە ايىپ تاعىلعان جوق. كۇدىكتى جاراقاتتارىنا ەم الىپ، اۋرۋحانادا جاتىر. ايەل ايعاقتى دالەل بەرە باستادى.

كەشە اۆستراليانىڭ سولتۇستىگىندەگى ءبىر ۇيدەن سەگىز بالانىڭ مۇردەسى تابىلعان بولاتىن. ۇيگە كىرگەن پوليتسەيلەر پىشاقتالعان 18 ايلىق سابيدەن باستاپ 15 جاسقا دەيىنگى بالالاردىڭ مۇردەسىنىڭ ۇستىنەن شىقتى. سونداي-اق، ۇيدە 34 جاستاعى ايەل بولعان، جەتەۋى ونىڭ ءوز بالاسى، ال ءبىر قىز ونىڭ نەمەرە ءسىڭلىسى دەپ بولجانۋدا.