استانادا الداعى جىلى ءتورت دەنساۋلىق ساقتاۋ نىسانى اشىلادى

استانا. قازاقپارات - استانا قالاسى قۇرىلىس باسقارماسىنىڭ حابارلاۋىنشا، ۇستىمىزدەگى جىلى دەنساۋلىق ساقتاۋ نىساندارىن دامىتۋ باعدارلاماسىن جۇزەگە اسىرۋ اياسىندا ەلوردادا 4 دەنساۋلىق ساقتاۋ نىسانىنىڭ قۇرىلىسى اياقتالدى، دەپ حابارلادى astana.kz.

اتاپ ايتقاندا، 1 نىسان پسيحوحرونيكتەرگە ارنالعان ەمدەۋ-وندىرىستىك شەبەرحاناسىنا ارنالعان.

سونىمەن قاتار، كەلەسىدەي دەنساۋلىق ساقتاۋ نىساندارىنىڭ قۇرىلىسى 2015-جىلى اياقتالادى:

1. قابانباي باتىر داڭعىلى مەن 30№ كوشەلەردىڭ قيىلىسىنداعى 250 ورىنعا ارنالعان قالالىق بالالار جۇقپالى اۋرۋلار اۋرۋحاناسى؛

2. «جەلەزنودوروجنىي» تۇرعىن الابىنىڭ سولتۇستىك-شىعىسىندا ورنالاسقان 500 ورىندىق تۋبەركۋلەزگە قارسى ديسپانسەردىڭ قۇرىلىسى؛

3. سول جاعالاۋدا ورنالاسقان امبۋلاتوريالىق- ەمحانا كەشەنى (ءبىر اۋىسىمدا 350 ەرەسەكتى قابىلداۋعا ارنالعان ەمحانا، ءبىر اۋىسىمدا 150 بالاعا ارنالعان ەمحانا)؛

4. ءبىر اۋىسىمدا 150 كەلۋشىگە ارنالعان 250 كەرەۋەت-ورىنعا ارنالعان مەديتسينالىق-سانيتارلىق وڭالتۋ ورتالىعى.