رەسەيدەن ارزان كولىك تاسىعاندار ونى راسىمدەي الماي قالامىز با دەپ قاۋىپتەنەدى

استانا. قازاقپارات - رەسەيدەن ارزان كولىك جەتكىزىپ، پايداعا كەنەلەمىز دەگەن اقتوبەلىكتەر قيىندىققا تاپ بولۋى مۇمكىن.

ولاردىڭ جاڭا جىلعا دەيىن ارنايى سەرتيفيكاتقا قول جەتكىزە المايتىن ءتۇرى بار.

كولىكتەردىڭ ءتيىستى تالاپتارعا جاۋاپ بەرەتىنىن انىقتايتىن مەكەمە 25 - جەلتوقسانعا دەيىن جۇمىس ىستەيدى. مۇنى قىزمەتكەرلەر الدىن الا جاريا ەتكەن.

ال 2015 - جىلدان باستاپ جاڭا تالاپتار كۇشىنە ەنەدى. شەكارادان بەرى اسقان كولىك ءنوپىرى كوبەيمەسە، ازاياتىن ءتۇرى جوق. ۋاقىتتىڭ تىعىزدىعىنا وراي شاراسىز كۇي كەشكەن جۇرگىزۋشىلەر قوسىمشا شارا قابىلداۋدى تالاپ ەتەدى.

ۆيتالي ۆەشاگۋري، كولىك جۇرگىزۋشىسى:

- ادام وتە كوپ. 25 - جەلتوقسانعا دەيىن ۇلگەرمەسەك، رەسەيگە قايتا بارۋعا تۋرا كەلەتىن شىعار. سول جاقتا كولىكتى ساتىپ نەمەسە تىركەۋگە تۇرۋعا ءماجبۇر بولامىز.

كولىكتەردىڭ تەحنيكالىق جاعدايىن تەكسەرەتىن سەرىكتەستىك وكىلى قۇجاتتاردىڭ 1 - قاڭتاردان باستاپ قانداي تارتىپپەن قابىلداناتىنىن ءدوپ باسىپ ايتا المادى. ءبىراق، قوسىمشا جۇمىس كۇشىن الىپ، كەزەكتى جەدەلدەتۋگە مۇمكىندىك جوق ەكەنىن كەسىپ ايتتى. ال، جول ساقشىلارى كولىك يەلەرىنىڭ رەسەيگە ورالۋى مىندەتتى ەمەس دەپ وتىر. كەلەر جىلدان باستاپ سەرتيفيكاتتاۋ، اككرەديتاتسيالاۋ جانە مەترولوگيا ورگاندارى قۇجات راسىمدەۋ جۇمىسىن ورىندايتىن بولادى.

ومارحان سانسىزبايەۆ، اقتوبە وبلىستىق ءى ءى د ءا پ ب تىركەۋ بولىمشەسى باستىعىنىڭ ورىنباسارى:

كەدەندىك وداقتىڭ رەگلامەنتىنە سايكەس وزگەرىستەر بولادى. قازىرگى سەرتيفيكاتتاردىڭ ورنىنا كولىك قۇرالىنىڭ قۇرىلىمى تۋرالى كۋالىك بەرىلەدى. ەگەر كولىك ەۋرو 4 ساناتىنا جاتسا، ەشقانداي قيىندىق تۋمايدى.

«استانا» تەلەارناسى