16:08, 19 - جەلتوقسان 2014 | GMT +5
ورمەكشىلەر پاكىستاندى قالاي قۇتقارۋدا؟ - فوتو
استانا. قازاقپارات - سۋرەتتە كورىپ وتىرعاندارىڭىزداي، مۇنداعى اعاش اتاۋلى بەينە ءبىر جايالىققا ورانعان ءتارىزدى بولىپ تۇر. بۇنداي كورىنىستى بۇرىن كورمەگەندەرىڭىز دە بەلگىلى.
الايدا، بۇل - كادىمگى ورمەكشىلەردىڭ تورى عانا. وسى ارقىلى ولار پاكىستاندىقتاردى قيىندىقتان قۇتقارۋ ۇستىندە.
ورمەكشىلەردىڭ بۇلاي تور قۇرىپ، اعاشتاردى وراپ تاستاۋى سيند پروۆينتسياسىندا بىرنەشە اي بويى تولاسسىز جاۋعان جاۋىننان كەيىن باستالعان. باستاپقىدا قورقىنىشتى كورىنگەن ورمەكشىلەردىڭ بۇل ارەكەتىنىڭ كۇتپەگەن جەردەن جاعىمدى جاقتارى انىقتالدى.
ورمەكشىلەردىڭ بۇل توسىن قىلىعى سۋ شايىپ كەتكەن ايماقتا ءوز كەزەگىندە مالياري دەرتىنىڭ تومەندەۋىنە تىكەلەي اسەر ەتتى. مالياري - مالياري ماسالارى ارقىلى پايدا بولاتىن اۋرۋلاردىڭ ءبىرى. ءتۇبى ولمىگە اكەلىپ سوعادى.
مىنەكي، جاۋىننان كەيىن كۇرت كوبەيگەن مالياري ماسالارىنىڭ جايىلىپ كەتپەۋىنە ورمەكشىلەردىڭ وسى ءبىر توسىن قىلىعى سەبەپ بولعان.
