استانادا «ماڭگىلىك ەلدىڭ قاسيەتتى قۇندىلىقتارى» اتتى ق ر پرەزيدەنتى شىرشاسى وتەدى

استانا. قازاقپارات - جاڭا جىل قارساڭىندا استانا تۇرعىندارى مەن قوناقتارى ءۇشىن قىزىقتى مادەني باعدارلامالار ۇيىمداستىرىلادى.

بالالارعا ارنالعان باستى جاڭاجىلدىق ەرتەڭگىلىك - قازاقستان رەسپۋبليكاسى پرەزيدەنتىنىڭ «ماڭگىلىك ەلدىڭ قاسيەتتى قۇندىلىقتارى» اتتى شىرشاسى 24 - جەلتوقساندا وقۋشىلار سارايىندا وتەدى، دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.

ەلوردالىق بالالار مەن وقۋشىلار ءۇشىن سونىمەن قاتار جاڭا جىلدىق قويىلىمدار مەن ەرتەڭگىلىكتەر دە وتكىزىلەدى. استانا قالاسى اكىمىنىڭ جەتىم جانە دارىندى بالالارعا ارنالعان شىرشاسى 25 - جەلتوقساندا وقۋشىلار سارايىندا ۇيىمداستىرىلادى. 20 - جەلتوقسان-30 - قاڭتار ارالىعىندا ەلوردالىق سيركتە «قيسىق اينالار پاتشالىعى» اتتى جاڭاجىلدىق باعدارلاماسى، ال 20 - جەلتوقسان مەن 4 - قاڭتار ارالىعىندا م. گوركي اتىنداعى مەملەكەتتىك اكادەميالىق ورىس دراما تەاترىندا «ال قىزىل گۇل» ەرتەگىسى بويىنشا قويىلىم كوپشىلىكتىڭ نازارىنا ۇسىنىلادى.

29 - جەلتوقساندا ەلوردالىقتار «كونگرەسس- حوللدا» «جاڭا جىل دۋمان» كونتسەرتىن تاماشالايدى. وعان استانا قالاسى مەملەكەتتىك فيلارمونياسىنىڭ كلاسسيكالىق جانە ەسترادالىق ۆوكال بولىمشەلەرى، «شالقىما» حالىقتىق ءبيى ءانسامبلى قاتىسادى.

27,28 - جانە 31 - جەلتوقساندا «استانا وپەرا» مەملەكەتتىك وپەرا جانە بالەت تەاترىندا پەتر چايكوۆسكيدىڭ «شاتتاۋىق» بالەتى قويىلادى.

استانا تۇرعىندارى مەن قوناقتارىنا ارنالعان جاڭاجىلدىق كونتسەرت قالالىق الاڭدا 31 - جەلتوقساندا ساعات 21.00-دە باستالادى. مەرەكەلىك وتشاشۋ ەسىل وزەنىنىڭ جاعاسىندا 2014 - جىلعى 31 - جەلتوقساننان 2015 - جىلدىڭ 1 - قاڭتارىنا قاراعان ءتۇنى بولادى.