مۇحاممەد ءاليدىڭ قىزى گولوۆكيندى ناعىز ەر دەپ اتادى

استانا. قازاقپارات - لەيلا ءالي ءوز تۆيتتەرىنە گەنناديمەن تۇسكەن سۋرەتىن سالدى.

بۇل تۋرالى GGG ۆكونتاكتە قاۋىمداستىعى پاراقشاسىندا حابارلاندى.

فوتونىڭ استىنا ول گەنناديدى ناعىز ەر دەپ سانايتىندىعىن جازعان.

سونىمەن بىرگە لەيلا بوكسشىنىڭ ءادىسى مەن رينگتەن تىس جەردەگى قاراپايىمدىلىعى ۇنايتىنىن جەتكىزگەن.

لەيلا ءالي كاسىبي بوكس وكىلى بولىپ تابىلادى. ول 24 رەت جەكپە-جەككە شىعىپ، ونىڭ 21 ىن نوكاۋتپەن اياقتالعان. لەيلا ءالي - IBA، WIBA جانە IWBF نۇسقالارى بويىنشا الەمنىڭ ەكس-چەمپيونى.