انشىلەردىڭ اقشاسى قانشا جانە بيىل حالىق اراسىندا ەڭ كوپ سۇرانىسقا يە ءانشى كىم بولدى؟
Comode.kz سايتى جۇلدىزداردىڭ جاڭا جىلدىق كەشتەردە ءان شىرقاۋى قانشا تۇراتىنىن جازدى.
بۇگىندە جاڭا جىلدىق كەشتەرگە وتاندىق ارتىستەردى شاقىرۋ سانگە اينالعان. ولار شەتەلدىك انشىلەرگە قاراعاندا ءوز قىزمەتتەرى ءۇشىن قىمبات المايدى. ودان بولەك، باسشىلاردىڭ وتىنىشىمەن، پاتريوتتىق اندەردى دە ورىنداپ بەرۋى مۇمكىن.
ءىرى مەرەكەلىك ءىس- شارالاردا ءبىزدىڭ جۇلدىزدارىمىز رەسەيلىك ۆلاد توپالوۆ نەمەسە سەرگەي لازاريەۆپەن ءبىر دەڭگەيدە ءان شىرقايدى. ويتكەنى، جەرگىلىكتى تىڭدارمان ءۇشىن ءالي وقاپوۆ پەن الىشەر كارىموۆتىڭ اندەرى جاقىنىراق.
ءاربىر ءانشىنىڭ گونورارى دا ءارتۇرلى. ولاردىڭ مەرەكەلىك كەشتە ءان ايتۋ باعاسى ايماقتارعا بايلانىستى دا وزگەرىپ تۇرۋى مۇمكىن. ماسەلەن، الماتىدا ارزانىراق، استانادا قىمباتتاۋ، ال باتىس وڭىرلەردە مۇلدە قىمبات.
ورتا ەسەپپەن، جۇلدىزدارعا دەگەن جاڭاجىلدىق تاپسىرىس 5-7 مىڭ دوللار ارالىعىندا. ارتىستەر كوپ جاعدايدا كليەنتتەرىنە جەڭىلدىك جاسايدى، الايدا، تاپ جاڭا جىل كەشىندە مۇنداي جەڭىلدىكتى كۇتپەگەن ءجون. سەبەبى، 31 - جەلتوقسان كۇنى ءارتىستىڭ باعاسى ەكى ەسەگە ارتادى.
گونوراردان بولەك تاپسىرىس بەرۋشى انشىگە ۇشاق بيلەتتەرىن، تاماعىن الىپ بەرىپ، قۇرمەتتى قوناقتىڭ جاتاتىن جەرى مەن ءجۇرىپ-تۇرۋىن ءوز موينىنا الادى. الايدا، شەتەلدىكتەر سياقتى ەمەس، ءبىزدىڭ انشىلەردىڭ ءبىرازى ەكونوم-كلاسپەن ۇشۋدان باس تارتپايدى.
ادەتتە، ءانشى ءبىر كەشتە شامامەن 40 مينۋتتاي ونەر كورسەتەدى. بۇل ارالىقتا ول 7-8 ءان ورىنداۋى مۇمكىن.
بيىل حالىق اراسىندا ەڭ كوپ سۇرانىسقا يە ءانشى دەپ ايقىندى اتاۋعا بولادى. ايقىن تولەپبەرگەنوۆتى الماتى مەن استانا جانە شىمكەنتتە جاقسى قابىلدايدى. ول ەكى تىلدە ءان شىرقاۋىنان بولەك، تىڭدارمانمەن تەز ءتىل تابىسا الاتىنىمەن ەرەكشە.
ودان بولەك، "كەش-you" توبىنىڭ سۇلۋ قىزدارى دا كوپتەگەن كەشتەرگە قوناق بولادى. ولار ءان ايتىپ قانا قويماي، ءبي بيلەپ، شوۋ كورسەتىپ ءجۇر.
جاڭاجىلدىق كەشتەرگە ەڭ كوپ شاقىرتۋ الاتىن انشىلەر قاتارىندا ءالي وقاپوۆ، RIN'GO توبى، ءدىلناز احماديەۆا، ماقپال يسابەكوۆا جانە الىشەر كارىموۆ تە بار.
NUR. KZ
