قىرعىزدار اقشا ايىرباستايتىن بەكەتتەردى جاپتى

استانا. قازاقپارات - قىرعىزستان بيلىگى اقشا ايىرباستاۋ ورتالىقتارىن جاۋىپ تاستاۋى مۇمكىن. بۇل تۋرالى ۇلتتىق بانك ءتوراعاسى تولقىنبەك ابدىعۇلوۆ ەسكەرتتى دەپ، حابارلايدى «رەيتەرس».

ويتكەنى ەلدە دوللار ءوسىپ كەتتى. ال اقشا ايىرباستاۋ ورتالىقتارى ا ق ش ۆاليۋتاسىنىڭ باعامىن ءوز بەتتەرىنشە كوتەرىپ، ونى 60 سومعا جەتكىزگەن. دەگەنمەن، ۇلتتىق بانك ءتوراعاسى الاڭداۋعا نەگىز جوق، جاعداي باقىلاۋدا دەپ، حالىققا باسۋ ايتىپ وتىر.

ونىڭ پىكىرىنشە، ۇلتتىق بانك قورى سومدى جارتى جىلداي تۇراقتى ۇستاي الادى. تولقىنبەك ابدىعۇلوۆ سونىمەن قاتار رەسەي رۋبلىنىڭ قۇلدىراۋى ەلدەگى جاعدايعا اسەر ەتپەيدى دەپ مالىمدەدى.

دەگەنمەن، ۇلتتىق بانك رەسەي ميگرانتتارىنان كەلەتىن قارجىلىق اۋدارىمداردىڭ ازايعانىن مويىندايدى. 98 - جىلدارداعى قارجىلىق داعدارىستان ول كورسەتكىش 30 پايىزعا دەيىن تومەندەگەن ەدى. جانە بۇل جايت تا ۆاليۋتا نارىعىنداعى كورسەتكىشتەرگە اسەرىن تيگىزۋى مۇمكىن.

Baq.kz