05:15, 18 - جەلتوقسان 2014 | GMT +5
تۇركيادا قۇلاعان اۋە شارىنان وپات بولعان تۋريست قىتاي ازاماتى بولىپ شىقتى
استانا. قازاقپارات - تۇركيانىڭ نيەۆشەحير پروۆينسياسىندا تۋريستەرى بار اۋە شارى جەرگە قۇلاپ، بىرنەشە ادام زارداپ شەكتى، دەپ جازادى تۇركيالىق Anadolu اگەنتتىگى.
وقيعا سالدارىنان ءبىر تۋريست قازا بولدى، بەسەۋى جاراقاتتاندى. زارداپ شەككەندەر جاقىن ماڭداعى اۋرۋحاناعا جەتكىزىلدى.
وپات بولعان تۋريست قىتاي ازاماتى بولىپ شىقتى. ال زارداپ شەگۋشىلەر - مالايزيا ازاماتتارى. بولعان جاعدايدىڭ سەبەپتەرى ازىرگە حابارلانباي وتىر.
