ءور التايدىڭ ۇشكول جايلاۋىندا تاسپەن قالانعان پيراميدا بار

استانا. قازاقپارات - دالانىڭ ءوز عاجايىپتارى بار. ولار ادامدى ەرىكسىز تاريح تۇڭعيىعىنا باتىرادى. وسىندا نەندەي وقيعا بولدى ەكەن؟

بابالارىمىز نەنىڭ قۇرمەتىنە وسىلاي ىستەدى ەكەن؟ دەگەن وي تۋادى.

سونداي عاجايىپتاردىڭ ءبىرى ءور التايدىڭ شىڭگىل اۋدانىندا.

تەڭىز دەڭگەيىنەن 2 مىڭ مەتر بيىكتىكتەگى ۇشكول جايلاۋىندا (قازاقستان شەكاراسىنان شامامەن 500 كيلومەتر قاشىقتىقتا، موڭعوليا شەكاراسىنا نەبارى 2 ك م.) تاسپەن قالانعان پيراميدا بار. ونى اينالا تاستان شەڭبەر سالىنعان.

شەڭبەرگە پيراميدادان تۇتاساتىن 4-5 شاباق بار. قۇددى اربانىڭ دوڭعالاعى ءتارىزدى ورنالاستىرىلعان. ماڭايىندا كوپتەگەن بۇعى تاستار قالانعان كونە قابىرلەر كوزگە تۇسەدى. ءبىزدىڭ ارحەولوگتار بارىپ قازسا تاريحتى سويلەتىپ بەرەر ەدى.

وندا مۇز قاباتىنا جاسىرىلعان بەرەلدەگىدەي تاريحي قۇندىلىق بار دەپ ويلايمىن. تابعاشتار دۇرىس قازبايدى، بۇلدىرەدى، جاسىرادى، بۇرمالايدى. بيىل (2014) توبەسىنەن بۇرعىلاعان كورىنەدى. قالاي دەگەندە دە، كونە كوشپەندىلەر وركەنيەتىنىڭ عاجايىپ سىرلارى وسىندا بۇعىپ جاتىر دەپ ويلايمىن.

تاريح عىلىمدارىنىڭ دوكتورى، جازۋشى تۇرسىنحان زاكەن ۇلىنىڭ facebook-تاعى جەكە پاراقشاسىنان الىندى