بەلارۋس پەن قازاقستان اراسىنداعى قارىم-قاتىناستار ودان ارى نىعايا بەرەدى - ا. لۋكاشەنكو

مينسك- استانا. قازاقپارات - بەلارۋس پرەزيدەنتى الەكساندر لۋكاشەنكو قازاقستان پرەزيدەنتى نۇرسۇلتان نازاربايەۆتى ۇلتتىق مەرەكە - تاۋەلسىزدىك كۇنىمەن قۇتتىقتادى.

بۇل تۋرالى بەلتا اگەنتتىگىنە بەلورۋسسيالىق كوشباسشىنىڭ باسپا ءسوز قىزمەتىنەن حابارلادى.

«ەگەمەندىك جىلدارىندا قازاقستان مەملەكەتتىلىگىن بەكەمدەۋ، الەۋمەتتىك-ەكونوميكالىق دامۋدا اۋقىمدى تابىستارعا جەتىپ، حالىقارالىق ارەنانى مويىنداتتى»، - دەلىنگەن حابارلامادا.

بەلارۋس مەملەكەتىنىڭ باسشىسى بەلارۋس پەن قازاقستان اراسىنداعى قارىم-قاتىناس ەكى ەل اراسىنداعى دوستىق، قۇرمەتتەۋشىلىك، سەنىم جانە ءوزارا ءتيىمدى ىنتىماقتاستىق نەگىزىندە ودان ءارى نىعايا تۇسەتىندىگىنە سەنىمىن ءبىلدىردى. ولاردىڭ جان-جاقتى كەڭەيۋىنە، تەرەڭدەۋىنە ەۋرازيالىق ەكونوميكالىق وداق تۋرالى كەلىسىم-شارتتىڭ كۇشىنە ەنۋى سەپتىگىن تيگىزەدى، دەپ اتاپ ءوتتى الەكساندر لۋكاشەنكو.