شاڭحاي ىنتىماقتاستىق ۇيىمى اياسىندا قازىردەن باستاپ ۇلتتىق ۆاليۋتالاردا ءوزارا ەسەپ ايىرىسۋ مۇمكىندىگىن ەنگىزۋگە بولادى - ك. ءماسىموۆ

استانا. قازاقپارات - ش ى ۇ اياسىندا قازىردەن باستاپ ۇلتتىق ۆاليۋتالاردا ءوزارا ەسەپ ايرىسۋلاردى جۇرگىزۋ كەرەك. بۇل تۋرالى بۇگىن ەلورداداعى تاۋەلسىزدىك سارايىندا شاڭحاي ىنتىماقتاستىق ۇيىمىنا مۇشە- مەملەكەتتەردىڭ ۇكىمەت باسشىلارى كەڭەسىنىڭ كەڭەيتىلگەن وتىرىسىندا ق ر پرەمەر- ءمينيسترى كارىم ءماسىموۆ ءمالىم ەتتى.

«ءبىز قۇرىلعان جانە قۇرىلىپ جاتقان ينتەگراتسيالىق بىرلەستىكتەر مەن ەكونوميكالىق وداقتار بىرىنە- ءبىرى قاراما- قارسى تۇرماۋى كەرەكتىگىن العا تارتۋدامىز. وسى ورايدا جەمىستى جانە سىندارلى ىنتىماقتاستىق بولعانىن قالايمىز»، - دەدى ك. ءماسىموۆ.

ق ر ۇكىمەت باسشىسى ش ى ۇ اياسىندا جوبالىق قىزمەتتە قارجىلىق سۇيەمەلدەۋدىڭ تەتىكتەرىن تەزدەتىپ ىسكە قوسۋ ماسەلەسىنە توقتالا كەلە، «قازاقستان وسىنداي تەتىكتىڭ وڭتايلى فورماتتارىن ىزدەستىرۋ بويىنشا ديالوگقا اشىق. سونىمەن قاتار، ۇلتتىق ۆاليۋتالاردا ءوزارا ەسەپ ايىرىسۋلارعا كىرىسۋ مۇمكىن دەپ پايىمدايمىز. بىزدە ەكىجاقتى دەڭگەيدە اتقارىلعان جۇمىستار بار، ەندى ولاردى بارشا ۇيىمنىڭ كەڭىستىگىنە اۋىستىرۋعا بولار ەدى»، - دەپ ءتۇيدى.

اۆتور: رۋسلان عابباسوۆ