قازاقتىڭ ۇلتتىق تاريحى - تەڭدەسسىز تاريح- ن. نازاربايەۆ
مەملەكەت باسشىسىنىڭ ايتۋىنشا، قازاقستاننىڭ تاريحى ەۋرازيا قۇرلىعىنداعى ۇلى وركەنيەتتىڭ جىلناماسىنا وشپەس تاڭباسىن قالدىردى.
«تاريحي تامىرلارىمىزدىڭ بىرلىگى ءبىزدى تۇركى تىلدەس حالىقتارمەن ەشقاشان ىرگەسى بولىنبەيتىن باۋىرلاس ەتتى. ۇلى تۇركى ەلى - قازىرگى زاماناۋي مەملەكەتتەر قازاقستان، ازەربايجان، وزبەكستان، قىرعىزستان، تۇرىكمەنستان جانە تۇركيا ەلدەرىنىڭ ورتاق تامىرى. ءبىزدىڭ مىڭجىلدىققا ۇلاساتىن شەجىرەمىز بار، ماقتانىش تۇتاتىن بابالارىمىزدىڭ تاريحي ەرلىكتەرى بار. بولە- جارا قاراۋ مۇمكىن ەمەس، رۋحاني قازىنامىز بار. وسىنىڭ بارلىعى بارشامىزعا ورتاق مۇرا»، - دەدى ن. نازاربايەۆ.
سونىمەن قاتار ەلباسى جۇزدەگەن جىلداردى الىپ جاتقان تاعى ءبىر تاريحي جولدى اتاپ ءوتتى، بۇل - رەسەيمەن اراداعى ستراتەگيالىق قارىم- قاتىناسىمىز.
«حالىقتا «ادام ءوزىنىڭ جاۋىن دا، دوسىن دا ءوزى تاڭدايدى، ال كورشىنى قۇداي بەرەدى» دەگەن ءسوز بار. شىندىعىندا، ءبىز رەسەيمەن قۇداي بۇيىرتقان كورشىمىز. بۇل سولاي، سولاي بولىپ تا قالا بەرەدى. سوندىقتان دا ءبىزدىڭ ورتاق تاريحىمىز ەۋرازيالىق ەكونوميكالىق وداق اياسىنداعى ينتەگراتسياعا بەرىك نەگىز قالاۋدا»، - دەدى ن. نازاربايەۆ.
اۆتور: قانات مامەتقازى ۇلى
