كوك تۇرىكتەر مەن التىن وردانىڭ ايبارىن ايتپاعاندا، قازاق حاندىعى ءبىزدىڭ ەلدىگىمىزدىڭ ءتۇپ- تامىرى - ەلباسى

استانا. قازاقپارات - كوك تۇرىكتەر مەن التىن وردانىڭ ايبارىن ايتپاعاندا قازاق حاندىعى ءبىزدىڭ ەلدىگىمىزدىڭ ءتۇپ- تامىرى. بۇگىن استانادا قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى جيىندا ءسوز سويلەگەن ق ر پرەزيدەنتى نۇرسۇلتان نازاربايەۆ وسىلاي مالىمدەدى.

 «تاريحسىز بولاشاق جوق. ۇلى دالادا كۇللى ەۋرازيا قۇرلىعىن ۋىسىنا ۇستاعان تالاي الىپ مەملەكەتتەر بولدى. الىپ كەڭىستىكتى ەن جايلاپ، ەركىن بيلەپ- توستەگەن ايبارلى حالىقتار ءومىر سۇرگەن. بۇگىنگى قازاقستان سول بابالاردىڭ زاڭدى مۇراگەرى. ادامزات تاريحىندا قازىرگى قالىپتاعى مەملەكەت ۇلگىسى تەك سوڭعى بىرنەشە عاسىردا عانا پايدا بولعانىن بىلەمىز. ال بۇل كەز ءبىزدىڭ حالقىمىزدىڭ بوستاندىقتان ايرىلىپ، بوداندىققا تۇسكەن مەزەتىنە تاپ كەلدى. كوك تۇرىكتەر مەن التىن وردانىڭ ايبارىن ايتپاعاندا، قازاق حاندىعى ءبىزدىڭ ەلدىگىمىزدىڭ ءتۇپ- تامىرى»، - دەدى ن. نازاربايەۆ.

سونىمەن قاتار ەلباسى تاۋەلسىز قازاقستان ەلىمىزدىڭ سان عاسىرلىق ارمانىن اقيقاتقا اينالدىرعانىن اتاپ ءوتتى.

اۆتور: قانات مامەتقازى ۇلى