كەلىنىن توناعان ابىسىن ەكى جىلعا سوتتالدى

قىزىلوردا. قازاقپارات - قازالى قالاسىندا ابىسىنى كەلىنىنىڭ ءۇيى اشىق قالعانىن پايدالانىپ، جاتىن بولمەدەگى ساندىقتان 1200000 تەڭگە، 100 ا ق ش دوللارى جانە قۇنى 50000 تەڭگە تۇراتىن التىن سىرعانى ۇرلاپ كەتكەن.

وسىلايشا، ول جابىرلەنۋشىگە جالپى كولەمى 1268000 تەڭگە زالال كەلتىرگەن، دەپ حابارلادى قازالى اۋداندىق سوتىنىڭ باسپا ءسوز قىزمەتىنەن.

سوت سوتتالۋشىنىڭ بۇرىن سوتتى بولماعانىن، جاساعان قىلمىستىق ارەكەتىنە وكىنىپ، كەشىرىم سۇراعانىن، ءىس بويىنشا زالالدىڭ قالپىنا كەلتىرىلگەنىن، جابىرلەنۋشىنىڭ سوتتالۋشىعا كەشىرىم بەرگەنىن ەسكەرە وتىرىپ، ونى قوعامنان وقشاۋلاماي قايتا تاربيەلەۋ مۇمكىندىگى بار دەپ تانىدى.

وسىعان بايلانىستى، سوت قازاقستان رەسپۋبليكاسى ق ك-نىڭ 175-بابىنىڭ 3-بولىگىنىڭ «ب» تارماعى بويىنشا ايىپتالعان سوتتالۋشىنى 3 جىل باس بوستاندىعىنان ايىردى.

الايدا، سوت جوعارىدا اتالعانداردى ەسكەرە كەلە، ق ك-نىڭ 63-بابىنا سايكەس، جازانى سول مەرزىمگە شارتتى دەپ ەسەپتەپ، 2 جىل سىناق مەرزىمىن تاعايىندادى.

اۆتور: ەلۋباي اۋەزوۆ