قازاقستان مەن قىتاي يادرولىق وتىن شىعاراتىن بىرلەسكەن كاسىپورىن قۇرادى

استانا. قازاقپارات - «قاز اتوم ونەركاسىپ» ۇ ا ك» اق پەن قىتايدىڭ باس يادرولىق-ەنەرگەتيكالىق كورپوراتسياسى اراسىنداعى يادرولىق ەنەرگەتيكا سالاسىنداعى ءوزارا ءتيىمدى ارىپتەستىكتى تەرەڭدەتىپ، كەڭىتۋ تۋرالى كەلىسىمگە قول قويىلدى.

قۇجات بۇگىن ەلوردادا ءوتىپ جاتقان قازاقستان-قىتاي ىسكەرلىك كەڭەسىندە راسىمدەلدى.

قۇجات قازاقستان اۋماعىندا قىتاي مەن وزگە دە ەلدەردىڭ اتوم ەلەكتر ستانسالارىنا ارنالعان جىلۋ بولەتىن ءونىم - يادرولىق وتىن شىعاراتىن بىرلەسكەن كاسىپورىن قۇرۋ جانە ەلدەگى ۋران قورلارىن يگەرۋدى قامتيدى.

كەلىسىمگە «قاز اتوم ونەركاسىپ» ۇ ا ك» ا ق باسقارما ءتوراعاسى نۇرلان قاپپاروۆ پەن قىتايدىڭ باس يادرولىق-ەنەرگەتيكالىق كورپوراتسياسىنىڭ باس ديرەكتورى جاڭ شانمين قول قويدى.

اۆتور: مارلان جيەمباي