ك. ءماسىموۆ پەن لي كىشياڭنىڭ قاتىسۋىمەن قازاقستان- قىتاي ىسكەرلىك كەڭەسى وتۋدە
جيىندى اشقان كەڭەستىڭ تەڭ ءتوراعاسى، «سامۇرىق- قازىنا» ا ق باسقارما ءتوراعاسى ءومىرزاق شوكەيەۆ مۇنداي شارالاردىڭ ماڭىزىن ايرىقشا اتاپ اتتى.
«قىتاي حالىق رەسپۋبليكاسىنىڭ ۇكىمەتى، ءىرى جانە ورتا بيزنەسى وكىلدەرىمەن بۇگىنگىدەي فورماتتا وتكەن العاشقى كەزدەسۋدىڭ جەمىستى بولعانىن ەرەكشە ايتقىم كەلەدى. مەملەكەتتىك جانە جەكەمەنشىك سەكتوردىڭ دامۋىنا سەرپىن بەرەتىن ءبىرقاتار ماڭىزدى ستراتەگيالىق كەلىسىم شارتتارعا قول قويىلدى. قازاقستان- قىتاي ىسكەرلىك كەڭەسىنىڭ العاشقى وتىرىسىنان بەرى ارادا 1 جىل وتكەندىكتەن، وسى كەزدەسۋلەردىڭ ناقتى ناتيجەلەرىنە توقتالاۋعا بولادى» ، - دەدى ول.
ماسەلەن، ونىڭ اتاپ وتۋىنشە، ىلە وزەنىنە كەربۇلاق گەس سالۋ جوباسى جۇزەگە اسىرىلىپ جاتىر. ءوز كەزەگىندە بۇل قاپشاعاي گەس- نىڭ قۋاتىن قازىرگى 250 م ۆ ت- تان 360 م ۆ ت- قا دەيىن ارتتىرىپ، قىستا قازاقستاننىڭ وڭتۇستىك وڭىرلەرىندەگى كەرنەۋگە تۇسەتىن سالماقتى دەر شاعىن ايتارلىقتاي جەڭىلدەتەدى.
سونىمەن قاتار تابىستى ارىپتەستىكتىڭ تاعى ءبىر مىسالى رەتىندە ءو. شوكەيەۆ «قازاقستان- قىتاي» ماگيسترالدى گاز قۇبىرىنىڭ العاشقى تەلىمىن سالۋ مەن الماتى وبلىسىنداعى مويناق گەس جانە قازاقستانداعى بيتۋم زاۋىتىنىڭ ىسكە قوسىلۋىن اتادى.
اۆتور: مارلان جيەمباي
