جەڭگەتايلار جورتىپ ءجۇر

استانا .قازاقپارات - وڭتۇستىك قازاقستاندا وبلىس كولەمىندە ورىن الىپ جاتقان ادام ساۋداسى فاكتىلەرىن انىقتاۋ ماقساتىندا ايماقتا «ستوپ- ترافيك» ءىس- شاراسى وتكىزىلدى.

 اتالمىش شارا بارىسىندا ءتارتىپ ساقشىلارى جەڭگەتايلىقپەن اينالىسۋدىڭ ەكى دايەگىن انىقتاعان.

پوليتسەيلەر شىمكەنت قالاسىنداعى ساۋنالارىنىڭ ءبىرىنىڭ قىزمەتكەرىن جەڭىل ءجۇرىستى قىزدان ءتان ساۋداسىن جۇزەگە اسىرۋ ماقساتىندا شاقىرعانى ءۇشىن 1000 تەڭگە الىپ جاتقان جەرىنەن قولعا ءتۇسىردى.

وسى فاكتىگە بايلانىستى قىلمىستىق كودەكستىڭ 271-بابى بويىنشا «جەزوكشەلىكپەن اينالىسۋعا ارنالعان پريتوندار ۇيىمداستىرۋ نەمەسە ۇستاۋ جانە جەڭگەتايلىق» بويىنشا قىلمىستىق ءىس قوزعالىپ وتىر.

جىل باسىنان بەرى وبلىس اۋماعىندا جەزوكشەلىكپەن اينالىسۋعا ارنالعان ورىندار ۇيىمداستىرۋ مەن جەڭگەتايلىقتىڭ 27 دايەگى تىركەلىپ، سونىڭ 19 نا قاتىستى قىلمىستىق ءىس قوزعالعان.

سونىمەن قاتار، "ستوپ- ترافيك" جەدەل الدىن الۋ شاراسى كەزىندە پوليتسەيلەر 60 جەڭىل ءجۇرىستى قىزدى ەسەپكە قويدى.

BAQ. KZ