قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجايەۆاعا «قازاقستاننىڭ ەڭبەك ەرى» اتاعى بەرىلدى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ جارلىعىمەن «قازاق ۇلتتىق ونەر ۋنيۆەرسيتەتى» م م رەكتورى مۇساقوجايەۆا ايمان قوجابەك قىزىنا «قازاقستاننىڭ ەڭبەك ەرى» اتاعى بەرىلدى،

دەپ حابارلادى اقوردانىڭ رەسمي سايتى.

 «قازاقپارات» ح ا ا وقىرماندارعا جارلىق ءماتىنىن ۇسىنادى.

«قازاقستاننىڭ ەڭبەك ەرى» اتاعىن بەرۋ تۋرالى» جارلىق

قاۋلى ەتەمىن:

1.قازاقستان رەسپۋبليكاسىنىڭ الەۋمەتتىك- گۋمانيتارلىق دامىۋىنداعى اسا ۇزدىك جەتىستىكتەرى، بەلسەندى قوعامدىق قىزمەتى، مادەنيەتتى دامىتۋداعى ايرىقشا ۇلەسى ءۇشىن جوعارى دارەجەلى ەرەكشەلىك بەلگىسى - «قازاقستاننىڭ ەڭبەك ەرى» اتاعى «قازاق ۇلتتىق ونەر ۋنيۆەرسيتەتى» م م رەكتورى مۇساقوجايەۆا ايمان قوجابەك قىزىنا بەرىلسىن.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

 قازاقستان رەسپۋبليكاسىنىڭ پرەزيدەنتى ن. نازاربايەۆ

 استانا، اقوردا، 2014 - جىلعى 5 - جەلتوقسان

 № 974