ءسىزدى ۆيزا جاساتۋ ءۇشىن كوپ اقشا مەن ۋاقىتتى ىسىراپ ەتۋ مەزى ەتە مە؟

استانا. قازاقپارات - كونسالتينگتىك كومپانيا (ءتۇرلى الەۋمەتتىك ماسەلەمەن اينالىساتىن ورتالىق) الەمدەگى كوپتەگەن ەلدىڭ ۆيزا جۇيەسىنىڭ ءوز ازاماتتارى ءۇشىن قانشالىقتى ءونىمدى ءھام ءونىمسىز، قولايلى نەمەسە قولايسىزدىعىن انىقتاۋعا تىرىسىپتى.

اۋعانستان حالقى الەم بويىنشا 28 ەلگە ۆيزاسىز شىعا الادى، ال يراكتىقتار 31 مەملەكەت شەكاراسىنا، سونداي-اق سومالي مەن پاكىستان جۇرتى 32, پالەستينا 36 ەل اۋماعىنا ەمىن-ەركىن ەنە الادى.

ەۋروپا ەلدەرى بۇل رەيتينگتىڭ جوعارعى ساتىسىنان كورىنىپ وتىر. سەبەبى فينليانديا، شۆەتسيا مەن ۇلى بريتانيا ازاماتتارى 173 ەلگە جەكە قۇجاتتارىن الىپ قانا بارا الادى. اۆستريالىقتار ءۇشىن بۇيىرىپ تۇرعانى 167 مەملەكەت.

كومپانيانىڭ وكىلى: «جاھاندانۋ داۋىرىندە ۆيزالىق شەكتەۋ ۇلكەن ءرول الادى. ءتىپتى بولەك ەكى ەلدىڭ اراسىنداعى قارىم-قاتىناستاردى دا بايقاتادى. مۇنىڭ ءار ەلدىڭ الەمدىك ۇلتتار قاۋىمداستىعىنداعى ستاتۋسىنا دا قاتىسى بار»، - دەيدى.

ۆيزا ءتارتىبى ەڭ ۇزدىك ەلدەر:

1. فينليانديا، شۆەتسيا، ۇلى بريتانيا - 173 ەلگە ۆيزاسىز شىعا الادى؛

2. دانيا، گەرمانيا، ليۋكسەمبۋرگ، ا ق ش - 172

3. بەلگيا، يتاليا، نيدەرلاندى كورولدىگى - 171

ۆيزا ءتارتىبى تومەن دەڭگەيدەگى ەلدەر:

93. اۋعانىستان - 23 ەلگە ۆيزاسىز شىعا الادى؛

92. يراك - 31؛

91 سومالي، پاكىستان - 32؛

90. پالەستينا اۋماعى، ەريترەيا - 36؛

89. نەپال - 37؛

88. سۋدان، شري لانكا، ليۆان - 38؛

قازاقستاندىقتار الەمنىڭ 27 ەلى مەن ەكى ايماققا (گونكونگ پەن حاينان) ۆيزاسىز ساياحات شەگە الادى، ال 13 ەلگە ۆيزانى اۋەجايدا راسىمدەۋگە بولادى. بۇل وسىدان ەكى جىل بۇرىنعى مالىمەت. قازاقستانداعى ۆيزا ءتارتىبى دە سونشالىقتى جاقسى جولعا قويىلعان دەۋگە كەلمەيدى. جانە ۋاقىتتى جوعالتىپ، كولەمدى قارجىنى تالاپ ەتەدى.

اۆتور: ماناس قايىرتاي ۇلى

massaget.kz