ءانشى قاراقات ءابىلدينا ايەلدەر ءىسى جونىندەگى ۇلتتىق كوميسسيانىڭ مۇشەسى بولدى

استانا. قازاقپارات - بۇگىن ق ر پرەزيدەنتى جانىنداعى ايەلدەر ءىسى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ وتىرىسىندا ەلىمىزدىڭ مەملەكەتتىك حاتشىسى گۇلشارا ءابدىقالىقوۆا كوميسسيانىڭ جاڭا مۇشەلەرىن تانىستىردى.

«وزدەرىڭىزدە بىلەتىندەي، مەملەكەت باسشىسىنىڭ 2014-جىلدىڭ 4- جەلتوقسانىنداعى جارلىعىنا سايكەس ۇلتتىق كوميسسيانىڭ قۇرامىنا وزگەرىستەر ەنگىزىلدى. مەملەكەت باسشىسىنىڭ تاپسىرماسىنا وراي جاڭا قۇرام ايتارلىقتاي نىعايا ءتۇستى. ونىڭ قۇرامىنا زاڭنامالىق بيلىكتىڭ، ازاماتتىق قوعامنىڭ وكىلدەرى، ونەر قايراتكەرلەرى، ۇلتتىق كومپانيالاردىڭ، ۇلتتىق ەكونوميكا مينيسترلىگىنىڭ وكىلدەرى كىردى. سونىمەن قاتار كوميسسيا ەرەجەسىنە وزگەرتۋلەر ەنگىزىلدى»، - دەدى گ. ءابدىقالىقوۆا.

وسىدان كەيىن مەملەكەتتىك حاتشى ۇلتتىق قۇرامىنا كىرگەن جاڭا مۇشەلەردى تانىستىردى. ونىڭ ايتۋىنشا، بۇعان دەيىن كوميسسيا قۇرامىندا بولعان ءماجىلىس دەپۋتاتى ەلەنا تاراسەنكو مەن ورتالىق سايلاۋ كوميسسياسىنىڭ مۇشەسى ءلاززات سۇلەيمەن الداعى ۋاقىتتا ۇلتتىق كوميسسيا ءتورايىمىنىڭ ورىنباسارلارى بولادى. كوميسسيا حاتشىلىعىنا «دەليەۆوي مير» جۋرنالىنىڭ رەداكتورى شولپان سىزدىقوۆا تاعايىندالىپ وتىر.

ال كوميسسيا قۇرامىنا كىرگەن جاڭا مۇشەلەر مىنالار: ءانشى، قازاقستاننىڭ ەڭبەك سىڭىرگەن ءارتىسى قاراقات ءابىلدينا، ق ر ۇلتتىق ەكونوميكا ۆيتسە-ءمينيسترى ءمادينا ءابىلقاسىموۆا، سەنات دەپۋتاتى ميحايل بورتنيك، «استانا ەكسپو-2017» ۇ ك» ا ق- نىڭ باسپا ءسوز حاتشىسى ايگۇل مۇكەي، «باۋىرجان» قايىرىمدىلىق قورىنىڭ نەگىزىن سالۋشى، الماتى قالاسى ناۋرىزباي اۋدانى اكىمىنىڭ ورىنباسارى جۇلدىز وماربەكوۆا.