م. اۋەزوۆ اتىنداعى قازاق دراما تەاترى جاس رەجيسسەرلەر مەن شىعارماشىلىق توپتار اراسىندا بايقاۋ جاريالادى
اتاپ ايتقاندا، ونەر ورداسى جاس دراماتۋرگتەردىڭ رەسپۋبليكالىق «زامانداس كەلبەتى» اتتى بايقاۋىن جاريالادى.
بۇل بايقاۋدىڭ ماقساتى - ساحنادا بۇگىنگى زامانداس كەلبەتىنىڭ بەينەلەنۋىنە، جاڭا زامانعا، ۋاقىتتىڭ تالاپتارىنا ساي جاڭا كەيىپكەرلەرىنىڭ شىعۋىنا ىقپال ەتۋ جانە جاڭا كوركەمدىك كەڭىستىكتەردىڭ يگەرىلۋىنە جول اشىپ، دراماتۋرگيادا جاڭا ەسىمدەردىڭ پايدا بولۋىنا جانە ولاردىڭ كاسىبي وسۋىنە مۇمكىندىك تۋدىرۋ.
ال جاڭا رەجيسسەرلىك جوبالاردىڭ رەسپۋبليكالىق «اشىق ساحنا» بايقاۋى تەاترعا جاڭا بۋىن رەجيسسەرلەرىنىڭ كەلۋىنە جانە بەلگىلى ەسىمدەردىڭ شىعارماشىلىق الەۋەتتەرىنىڭ جاڭا قىرىنان اشىلۋىنا مۇمكىندىك تۋدىرۋدى كوزدەيدى.
سونداي-اق ەلىمىزدەگى شىعارماشىلىق توپتار ءۇشىن جاريايلانعان «جاڭا كوزقاراس» بىرلەسكەن جوبالار بايقاۋى تالانتتى رەجيسسەر، اكتەرلەر، سۋرەتشى، كومپوزيتور، حورەوگرافتار، ت. ب. توپتاردىڭ بىرلەسكەن يدەيالارىن جۇزەگە اسىرۋعا، شىعارماشىلىق الەۋەتتەرىن بارىنشا تانىتۋعا مۇمكىندىك بەرۋ مەن قازىرگى ساحناعا تالانتتى رەجيسسەرلەر، سۋرەتشىلەر، كومپوزيتورلاردىڭ كەلۋىنە ىقپال ەتۋدى مۇرات ەتەدى، دەپ حابارلايدى بايقاۋدى ۇيىمداستىرۋ كوميتەتىنەن.
جاريالانعان بايقاۋلاردىڭ شارتتارىمەن مىنا جەردە تانىسۋعا بولادى.
