ۇلتتىق قورعانىس ۋنيۆەرسيتەتىندە سوعىستار تاريحى جانە اسكەري ونەر كافەدراسى اشىلدى
«بۇل كافەدرا ەلىمىزدەگى اسكەري تاريحشى كادرلاردى دايارلايتىن بىردەن-ءبىر كافەدرا بولعاندىقتان ونىڭ اشىلۋى قازاقستان رەسپۋبليكاسىنىڭ اسكەري ءبىلىمى مەن اسكەري عىلىمى ءۇشىن ماڭىزدى وقيعا سانالىپ وتىر.
ق ر اسكەري تاريحى تۇتاس العاندا اسكەري عىلىم وتاندىق عىلىمنىڭ دامىپ كەلە جاتقان سالاسى. اتالعان كافەدرانىڭ ماڭىزى ونىڭ الدىنا قويىلعان مىندەتتەرگە بايلانىستى ارتا تۇسەتىن بولادى. كافەدرا PhD دوكتارانتۋراسىندا «اسكەري تاريح» ماماندىعى بويىنشا كادرلار دايارلايتىن بولادى، بۇل وقۋ باعدارلاماسىن كەڭەيتۋ مەن تەرەڭدەتۋدى كوزدەيدى»، - دەلىنگەن ق ر قورعانىس مينيسترلىگى مالىمەتىندە.
ۇلتتىق قورعانىس ۋنيۆەرسيتەتىن دامىتۋ تۇجىرىمداماسىندا «قازاق جانە ورىس تىلدەرىندە وقىتىلاتىن اسكەري تاريح» ماماندىعى بويىنشا ماگيستراتۋراعا ىرىكتەۋ جوسپارلانعان. وسىنداي وقۋ باعدارلاماسىنىڭ ازىرلەنۋى 2 جىل ىشىندە تۇتاس جوعارى تاريحي جانە جوعارى اسكەري ءبىلىمى بار مامان قالىپتاستىرۋى ءتيىس.
كافەدرا سوعىس ارداگەرلەرىمەن كەزدەسۋلەر وتكىزىپ، اسكەري-تاريحي مۇراجايلار مەن مەموريالدارعا ەكسكۋرسيالار جاسايدى. كافەدرانىڭ پروفەسسورلىق-وقىتۋشىلىق قۇرامى بولاشاقتا جەكەلەگەن تاقىرىپتار بويىنشا ساباقتار وتكىزۋ ءۇشىن كورنەكتى عىلىم، مادەنيەت جانە ونەر قايراتكەرلەرىن شاقىراتىن بولادى.
سونىمەن قاتار الدىڭعى قاتارلى وقۋ ورىندارىنىڭ تاريح فاكۋلتەتتەرىمەن، ق ر عىلىمي جانە مۇراعاتتىق مەكەمەلەرىمەن بايلانىستى دامىتۋعا ۇلكەن كوڭىل بولەدى.
قازىردىڭ وزىندە تاريح ءپانى بويىنشا ساباقتار ماگيسترانتتارمەن، دوكتورانتتارمەن، دايارلىق كۋرسىنىڭ تىڭداۋشىلارىمەن جۇرگىزىلىپ وتىرعانىن اتاپ وتكەن ءجون.
