ءبىر انىمەن كۇنىندە بىرنەشە تويعا باراتىن ءانشى

استانا .قازاقپارات - «اسپانعا قارايمىن»  انىمەن اباي بەگەي ءبىر دەمالىس كۇنى كەمىندە التى تويدى ارالايدى. ونىڭ گونورارى دا قازىر ارزان ەمەس.

كەمىندە وسى «حيت» ءان ءۇشىن 3000 ا ق ش دوللارىن الادى. العاش رەت بۇل ءاندى 100 ا ق ش دوللارىنا ورىنداعان ەكەن. شىن ەسىمى اباي نيازقۇلوۆپەن NUR. KZ ءتىلشىسى سالتاناتتى كەشتەردىڭ سىيلى قوناعى بولىپ قايتقان ەدى.

اباي نيازقۇلوۆتىڭ وسى دەمالىستاعى العاشقى تويى الماتىداعى ءال- فارابي داڭعىلى بويىنداعى قىمبات مەيرامحانالاردىڭ بىرىنەن باستالدى. مىنا سۋرەتتە سالتاناتتى كەشتە ءان ورىندايتىن ءساتتى توسىپ وتىر.

 ءانشى اۋقاتتىلار مەرەكەسىن تويلايتىن ورىندا انىنە مەنسىنبەۋشىلىك بولادى ما دەپ تە الاڭدادى. نە دە بولسا ۋاقىت كورسەتەدى دەپ دىتتەگەن ورىنعا كىرىپ باردى. ارينە، ۇيىمداستىرۋشىلار ءانشىنى سىي- قۇرمەتىن جاساپ كۇتىپ الدى.

 مۇندا اتى شۋلى اۋە كومپانيا باسشىسى ايەلىنىڭ تۋعان كۇنى تويلانىپ جاتىر ەكەن. قىرىق ادامعا جايىلعان داستارحان باسىنا ارينە قىمبات كيىنگەن، باي- باعلاندار جينالعان.

ءار كەشتە ينستاگرامعا بىرنەشە سۋرەت سالاتىن انشىلەر راسىمەن دە ءار ون مينۋت سايىن سۋرەتكە تۇسەتىنىن كوردىك.

اباي بەگەي بارعان تويدا، حالىققا كەڭىنەن تانىلا قويماعان جاس انشىلەر وعان اسا قىزىعا قارايدى ەكەن. بۇلاي تانىلۋىنىڭ سىرىن سۇراۋشىلار دا كوپ. مۇمكىندىك بولسا، قولداۋ كۇتەتىن جاستار اباي اعاسىمەن جىلى ءارى جاقىن سويلەسىپ قالۋعا تىرىساتىنىن بايقادىق.

اۋقاتتى ازاماتتار جينالعان مەرەكەلىك كەش. توي اساباسى اباي بەگەيدى تانىستىرىپ جاتىر.

مەرەكەلىك داستارحان سەبەپكەرىن قۇتتىقتاپ، ءانشى ادەتىنشە قوناقتاردى بيگە شاقىردى.

«اسپانعا قارايمىن» انىنە راسىمەن دە قوناقتاردىڭ بارلىعى بيلەدى. ءانشىنىڭ قورقىنىشى دا باسىلدى.

 اباي نيازقۇلوۆ بارعان جەرىنىڭ بارىندە «اسپانعا قارايمىن»، «مۇڭايما ءۇربيبى» ءانىن، ارتىنشا تاعى ءبىر رەت «اسپانعا قارايمىندى» ورىندايدى ەكەن. كەش قوناقتارى ونى بايقاعانىمەن، كوتەرىڭكى كوڭىلدىڭ كەزىندە قايتا جەر تەۋىپ بيلەي ءتۇستى.

اباي بەگەي تويدان شىعا سالا كەلەسى سالتانات كەشىنە جول تارتتى.

بارلىق جەردە، مەرەكەلىك كەشتىڭ اتاۋى مەن سەبەپكەرى، قوناقتارى باسقا بولعانىمەن ءانشى سول ەكى ءاندى ءۇش رەت ورىنداۋمەن بولدى. ءانشى، جۋرناليستەر قانشا سۇراعانىمەن، وتباسىن جاسىرىن ۇستاعاندى دۇرىس كورەدى. شاڭىراعىندا ءوزىنىڭ سوزىنشە، ءۇش قىزى مەن ءبىر ۇلى جانە جارى بار ەكەن.

وتباسى مۇشەلەرىن جۇرتتان جاسىراتىن سەبەبىن بىلاي ءتۇسىندىردى: «ءوزىم جايلى قازىر ءتۇرلى وتىرىك- شىنى ارالاس وسەك- اڭگىمەلەر كوپ. ءبىرى بىرنەشە ايەلى بار دەسە، تاعى ءبىرى اۋەجايلاردا ەستەي سالا، ءانىمدى «ساپاسىز» دەپ سىناپ جاتادى. ول مەنىڭ جەكە شارۋام. حالىق ءوزى ول ءاندى «حيتكە» اينالدىرعان. وتباسىمدى ەفيرلەردەن الشاق ۇستايتىن سەبەبىم، وسىنداي اڭگىمەلەردەن اۋلاق بولسىن دەيمىن»، - دەيدى ءانشى.