08:17, 11 - جەلتوقسان 2014 | GMT +5
تايلاندتا گيتلەردىڭ سۋرەتىن سالعان وقۋشى يزرايل ەلشىسىن الاڭداتتى
استانا. قازاقپارات - تايلاندتىڭ اسكەري ۇكىمەتى مەكتەپ وقۋشىلارىنا ارنالعان «12 تاي قۇندىلىعى» دەپ اتالاتىن ۇگىت-ناسيحاتتىق دەرەكتى فيلمدە ادولف گيتلەر كەزدەسەتىن ءبىر ەپيزودتى رەداكسيالاپ، «قيىپ» تاستايتىن بولدى، دەپ حابارلادى BBC.
ويتكەنى، ءبىر مەكتەپ وقۋشىسى وسى فيلمنەن كەيىن گيتلەردىڭ سۆاستيكا الدىندا قولىن سوزىپ قۇرمەت كورسەتىپ تۇرعان سۋرەت سالعان. ونى جانىنداعى سىنىپتاستارى قولپاشتاپ، قولداۋ تانىتقان.
بانگكوكتەگى يزرايل ەلشىسى ناتسيستىك نىشانداردىڭ ورىنسىز پايدالانىلعاندىعىنا بايلانىستى الاڭداۋشىلىق تانىتىپ وتىرعانىن حابارلاعان.
