ن. نازاربايەۆتىڭ «تاڭدامالى سوزدەرى» جيناق بولىپ باسىلىپ شىقتى

استانا. قازاقپارات - استانادا قازاقستاننىڭ تۇڭعىش پرەزيدەنتى - ەلباسىنىڭ كىتاپحاناسىندا نۇرسۇلتان نازاربايەۆتىڭ قازاق تىلىندە باسىلىپ شىققان تاڭدامالى سوزدەرى جيناعى كوپتومدىعىنىڭ تۇساۋكەسەر ءراسىمى ءوتتى.

«تاڭدامالى سوزدەر» اتتى 7 تومدىق جيناق 9 كىتاپتان تۇرادى. جيناقتى ق ر پرەزيدەنتى كەڭسەسىنىڭ باستىعى ماحمۇد قاسىمبەكوۆ باستاعان رەداكسيالىق توپ قۇراستىردى.

«ەلباسىمىز نۇرسۇلتان نازاربايەۆتىڭ ءار جىلدارى ۇلكەن فورۋمداردا سويلەگەن سوزدەرى مەن باياندامالارىنىڭ بارلىعىن جيناقتاپ، ونى قازاق تىلىنە تولىعىمەن اۋدارىپ، تاڭدامالى رەتىندە 9 كىتاپ، 7 توم رەتىندە باسىپ شىعاردىق.

نۇرسۇلتان ءابىش ۇلىنىڭ 1989 - جىلى قازاقستان كومپارتياسىنىڭ ءبىرىنشى حاتشىسى بولىپ كەلگەننەن باستاپ، 2013 - جىلعا دەيىنگى سويلەگەن سوزدەرىنىڭ بارلىعى جيناقتالىپ، وسى كىتاپتارعا ەندى. بۇل كىتاپتارداعى سوزدەر مەن باياندامالاردى، جولداۋلار مەن ماقالاردى ىس جۇزىندە ەل تاۋەلسىزدىگىنىڭ شەجىرەسى دەپ ايتۋعا بولادى»، - دەيدى م. قاسىمبەكوۆ.

ونىڭ ايتۋىنشا، كەيبىر تاريحي كەزدەسۋلەردەگى پرەزيدەنت سوزدەرىن تىرنەكتەپ جيناۋ قيىنعا سوققان. سەبەبى، كەيبىر باياندامالار ەشبىر گازەتتە باسىلماي، سول كەزدەگى تىلشىلەردىڭ جەكە قورىنداعى ديكتوفوندارىندا، بەينە قورلارىندا، ستەنوگراممالارىندا عانا ساقتالىپ قالعان. «سولاردى جيناقتاپ، ىزدەستىرىپ، قايتادان قاعازعا تۇسىرۋگە تۋرا كەلدى. ماقالادا باسىلىپ، مۇراعاتقا ءوتىپ كەتكەن باياندامالاردى دا جيناقتادىق»، - دەپ اتاپ ءوتتى م. قاسىمبەكوۆ.

بۇدان باسقا، سويلەگەن سوزدەر ماتىندەرىنىڭ ۇلكەن كولەمىن ورىس تىلىنەن قازاق تىلىنە اۋدارۋ، سونداي- اق ناقتىلاۋ جانە مەملەكەتتىك تىلدەگى تەرمينولوگيالىق اپپاراتتى اينالىمعا ەنگىزۋ جونىندە ۇلكەن جۇمىستار اتقارىلعان.

ماتەريالداردىڭ جينالۋىنا قاراي جيناقتىڭ جالعاسىن باسىپ شىعارىپ وتىرۋ جوسپارلانۋدا.

اۆتور: جاسۇلان جولدىبايەۆ