تۇرمەلەردە جاڭا جۇمىس ورىندارىن اشۋ ءۇشىن جەكە بيزنەستى تارتۋ قاجەت - ج. كەشۋبايەۆ

استانا. قازاقپارات - تۇرمەلەردە جاڭا جۇمىس ورىندارىن اشۋ ءۇشىن جەكە بيزنەستى تارتۋ قاجەت.

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ىشكى ىستەر مينيستىرلىگى قىلمىستىق- اتقارۋ جۇيەسى كوميتەتى ءتوراعاسىنىڭ ورىنباسارى جانات كەشۋبايەۆ ايتتى.

«ءبىزدىڭ كەلەسى - جاڭا جۇمىس ورىندارىن اشۋ ءۇشىن كولونيالارعا جەكە بيزنەستى تارتۋ. ەگەر جايلى جاعداي جاسار بولساق، وندا بيزنەس ينفراقۇرىلىمعا قارجى قۇيىپ، جاڭا نىساندار سالادى، زاماناۋي قۇرال- جابدىقتار ورناتاتىن بولادى»، - دەدى ول.

ونىڭ ايتۋىنشا، تۇرمەدەگى جۇمىس سوتتالۋشىلاردى دۇرىس جولعا قويۋدىڭ ءبىر جولى. سوندىقتان دا بۇل ىسكە سوتتالۋشىلار تارابىنان زور قىزىعۋشىلىق بولادى.

«وسى ماقساتتا سوتتالۋشىلارعا ارنالعان 100 ءىس» اتتى كىتاپ ازىرلەندى. وندا ءاربىر ىسكە 2,3 بەت ارنالىپ، بيزنەس جۇرگىزۋدىڭ قىر- سىرى، وزەكتى ماسەلەلەرى مەن قۇپيالارى جان- جاقتى جازىلعان»، - دەدى ج. كەشۋبايەۆ.

 سونىمەن قاتار قانداي دا ءبىر ىسپەن اينالىسقىسى كەلگەن سوتتالۋشىلارعا ارنالعان ارنايى اقپاراتتىق بازا ازىرلەنبەك. وندا 1000 بيزنەس يدەيا ءتىزىمى، بۇرىنعى سوتتالعانداردىڭ تابىسقا جەتۋ تاريحى، مەملەكەتتىك قولداۋ تەتىكتەرى سىندى بولىمدەر بار.

ايتتى.

«بۇگىنگى تاڭدا كوللونيالاردى 42 مىڭ سوتتالۋشى بار. ونىڭ 27 مىڭى نەمەسە 62 پايىزى ەڭبەككە جارامدى. دەگەنمەن جالاقى تولەنەتىن جۇمىسپەن ەڭبەككە قابىلەتتى سوتتالۋشىلاردىڭ 52 پايىزى عانا قامتىلعان. ياعني، جارتىسى عانا» ، - دەدى ب. جاقايەۆ.

ونىڭ اتاپ وتۋىنشە، سوتتالۋشىلاردىڭ كوللونيادا جۇمىسسىز بولۋى ولاردىڭ بوستاندىققا شىققاننان كەيىن دە جەڭىل ومىرگە ۇمتىلىسىن ارتتىرا تۇسەدى.

«بۇل رەتتە ۇلى ابايدىڭ «قارنى توقتىق، جۇمىسى جوقتىق ازدىرار ادام بالاسىن» ، دەگەن ءسوزى تۋرا ايتىلعان. تەمىر توردىڭ ار جاعىنداعى ءومىر بوستاندىقتا ەمبەكقور بولعانداردىڭ ءوزىن بۇلدىرەدى»، - دەدى ول.

 «باس بوستاندىعىنان ايىرۋ ورنىنان بوساعان تۇلعالارعا ارنايى جۇمىس ورنى كۆوتاسى بەكىتىلگەن. ول كۆوتا 5 پايىزدى قۇرايدى. دەگەنمەن ءاربىر وبلىس ءارتۇرلى بەكىتەدى. ال بىزگە وڭىرلەردە كەزدەسكەن بەكىتىلگەن كۆوتا شامامەن 2 پايىزدى عانا قۇرايدى» ، - دەدى بريفينگتە حالىقارالىق تۇرمە رەفورماسى ۇيىمىنىڭ ورتالىق ازيا ايماقتىق ديرەكتورى ساۋلە مەكتەپبايەۆا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، قازىرگى تاڭدا ءبىرقاتار ۇكىمەتتىك ەمەس ۇيىم تۇرمەدەن بوستاندىققا شىققان تۇلعالاردى جۇمىسقا ورنالاستىرۋ ماسەلەلەرىمەن اينالىسۋدا.

«بۇل باعىتتا جۇمىس ىستەپ، باس بوستاندىعىنان ايىرۋ ورنىنان شىققان تۇلعالارعا قولداۋ كورسەتەتىن ۇكىمەتتىك ەمەس ۇيىمدار بار. دەگەنمەن، بۇل قولداۋدىڭ قانشالىقتى جۇيەلى جۇرگىزىلەتىندىگى بولەك ماسەلە. وكىنىشكە وراي، بۇل باعىتتاعى قوعامدىق ۇيىمداردىڭ جۇمىسىنا قولداۋ بولاتىن مەملەكەتتىك الەۋمەتتىك تاپسىرىس جوق» ، - دەدى س. مەكتەپبايەۆا.

   اۆتور: مارلان جيەمباي