الەمدەگى ەڭ جىلدام موتوسيكل - كەسكىن

استانا. قازاقپارات - 2003-جىلى «Dodge» كومپانياسى «Tomahawk» اتتى موتوسيكلدىڭ جاڭا ءتۇرىن جاساپ، سولتۇستىك امەريكا ەلىنە تانىستىرادى. بۇل ءونىم سولتۇستىك امەريكا ەلىنە عانا ەمەس، بۇكىل الەم ءۇشىن ۇلكەن جاڭالىق بولدى.

الەمدەگى ەڭ جىلدام موتوسيكل - كەسكىن

سودان بەرى 11 جىل ۋاقىت وتسە دە، بۇل موتوسيكلدەن قۇرىلىمدىق ت. ب. جاعىنان اسىپ تۇسەتىن موتوسيكل ءالى شىعارىلماپتى. بۇگىندە «Dodge Tomahawk» الەمدەگى ەڭ جىلدام موتوسيكل رەتىندە بارشا عالامعا بەلگىلى.

موتوسيكلگە 10 سيليندرلى 500 اتتىڭ كۇشىمەن تەڭ قوزعالتقىش قوندىرىلعان. بۇگىنگى تاڭدا بۇل - جالپى موتوسيكل اتاۋلىعا ورناتىلعان ەڭ ۇلكەن قوزعالتقىش ەكەن.

 Dodge Tomahawk موتوسيكلى حالىققا تانىستىرىلعاننان كەيىن، وزىنە دەيىنگى ورناتىلعان ماكسيمالدى جىلدامدىقتار رەكوردىن جاڭارتتى. ول ساعاتىنا 97 ك م جىلدامدىقتى 2,5 اق سەكۋندتا كورسەتە الادى. ال ونىڭ ماكسيمالدى جىلدامدىعى - 644 ك م/س ا ع.

بۇل «جەلاياق» موتوسيكلدىڭ قۇرىلىمى دا وزگەشە. وزگەشەلىگى - الدىڭعى جانە ارتقى دوڭگەلەكتەرى قوس-قوستان. ءاربىر جۇپ دوڭگەلەكتىڭ جەكە اسپاسى بار. «نەگە 4 دوڭگەلەك؟» دەپ ويلاۋىڭىز مۇمكىن. سەبەبى، تەك وسىلاي عانا ۇلكەن جىلدامدىقتى يگەرۋگە بولادى. موتوسيكلدىڭ تۇرپاتىنا كەلەر بولساق: جالپى ۇزىندىعى - 2,5 مەتردەن استام، بيىكتىگى - 1 مەتر، ال ەنى - 70 س م.

Tomahawk موتوسيكلىن قولدانۋدا مىناداي جاعدايلاردى ەسكەرۋ كەرەك:

جىلدامدىعىنا قاراي جانارمايدى دا كوپ جانە ۇنەمى كۇتىم جاساۋدى تالاپ ەتەدى. بەرىلىس قورابى قوزعالىس كەزىندە ىڭعايسىزدىق تۋدىرۋى مۇمكىن: الەمدەگى جىلدامدىعى جوعارى موتوسيكل بولعاندىقتان، جۇرگىزۋشىنىڭ استىنان سىرعىپ شىعىپ كەتەتىندەي. كىشكەنە عانا جانارماي باگى Tomahawk موتوسيكلىنىڭ مۇمكىندىگىن شەكتەيدى، ياعني ارتىق جانارماي الىپ جۇرمەسەڭىز، ۇزاق جولعا جۇرۋگە جارامايدى.

«جەلاياق» موتوسيكل سەريالاپ شىعارىلمايدى. بۇل مودەل تولىقتاي قولمەن قۇراستىرىلعاندىقتان، تەك قانا 10 دانا جاسالعان. Tomahawk قۇراستىرۋعا ماگني، تيتان، كاربون جانە اليۋميني قولدانىلعان.

العاشقى تانىستىرۋىنان كەيىن ماماندار بۇل موتوسيكل جۇرەك جۇتقاندارعا ارنالعاندىعىن ايتقان. ءبىراق بۇل ونىڭ تانىمالدىعىن ودان ارى ارتتىرىپ، قىزىعۋشىلىق تۋدىردى.

10 داناسىنىڭ 9 ى ساتىلىپ كەتكەنىمەن، ولاردى كوشەدە كەزدەستىرۋ مۇمكىن ەمەس. ويتكەنى، وعان قوعامدىق قولدانىستاعى ورتالاردى جۇرۋگە تىيىم سالىنعان.

Dodge Tomahawk سيپاتتاماسى:

قۋاتتىلىعى - 500 اتتىڭ كۇشىمەن تەڭ؛

ماكسيمالدى جىلدامدىعى - 644 ك م/س ا ع؛

دوڭگەلەگى - 1,930 م م؛

كولەمى - 8277,00 см³;؛

سيليندر ديامەترى/پورشەننىڭ قيمىلى - 102.4 x 100.6 мм؛

سيليندر قاقپاقشاسى - 2؛

تسيليندرلەر V وبرازدى ورنالاسقان؛

تسيليندر سانى - 10؛

بەرىلىس سانى - 2؛

الدىڭعى جانە ارتقى تەجەگىشتەرىنىڭ ديامەترى - 508 م م؛

راما ءتۇرى - monocoque engine؛

الدىڭعى ديسك تەجەگىشى - 2х.

massaget.kz