قايىرشى، بالگەر مەن جەزوكشەلەر جاڭا كودەكس بويىنشا جازالانباق

 استانا .قازاقپارات - ىشكى ىستەر مينيسترلىگى قايىرشى، بالگەر مەن جەزوكشەلەرگە قارسى كۇرەستىڭ جاڭا جولىن تاپتى. ەندى قايىر تىلەپ، كارتامەن بال اشىپ، نەمەسە قۇمالاق تارتىپ، ءتانىن ساتاتىن جەڭىل ءجۇرىستى قىزدارعا جاپپاي ايىپپۇل سالىنباق.

وسىنداي وزگەرتۋ ەنگىزىلگەن اكىمشىلىك قۇقىق بۇزۋشىلىق تۋرالى كودەكس 1-  قاڭتاردان باستاپ كۇشىنە ەنەدى. سوعان ساي، جۇرتتىڭ مازاسىن الىپ، ارسىز كاسىپپەن اينالىساتىندارعا 10 مىڭ تەڭگە كولەمىندە ايىپپۇل سالىنادى. اسىرەسە، جەڭىل ءجۇرىستى قىزدارمەن، قايىرشىلارمەن كۇرەسىپ شارشاعان پوليتسيا، بۇل باستامالارىنىڭ ناتيجەلى بولارىنا سەنىمدى.

ءوزىن گۋليا سيەۆەتبايەۆا دەپ تانىستىرعان بۇل ايەل قىرعىزستاننان كەلگەن. شيەتتەي ءتورت بالاسىمەن تاراز قالاسىنىڭ كوشەلەرىن كەزىپ ءناپاقا تاۋىپ ءجۇر. جاڭا زاڭنان دا ەش حابارى جوق. اكىمشىلىك قۇقىق بۇزۋشىلىق كودەكسىنە ەنگىزىلگەن وزگەرىستەرگە سايكەس، ەندى بۇل ازاماتشاعا جاڭا جىلدان كەيىن 5 ايلىق ەسەپتىك كورسەتكىش، ياعني 9260 تەڭگە ايىپپۇل سالىنادى.

شىڭعىس نۇرباليەۆ، ۋچاسكەلىك يسپەكتور:

 - كەزبەلەردىڭ قولىندا قۇجاتتارى بولمايدى. تۇلعاسىن انىقتاۋعا كوپ ۋاقىت كەتەدى. شىنىن ايتايىق، بۇعان دەيىن ولاردى بولىمگە اكەلگەنىمىزبەن، كەيىن قويا بەرەتىنبىز. ەندى جاڭا كودەكسكە ارنايى باپ ەنىپ وتىر. سول بويىنشا، ايىپپۇل سالامىز.

اكىمشىلىك كودەكستىڭ جاڭا نۇسقاسى كوشەدە قايىر سۇراپ، الدىڭىزدى كەسكەستەيتىندەرگە عانا جازىلماعان. قۇجات قوعامدىق ورىنداردا ءتۇرلى قىزمەتتەرىن ۇسىناتىن بالگەرلەر مەن جەزوكشەلەردى دە، تارتىپكە سالماق. الايدا، بۇل جەڭىل ءجۇرىستى قىزداردىڭ بيزنەسىن توقتاتادى دەۋگە سەنۋ قيىن. ال قايىرشىلىققا كوپ اۋەس كەلەتىن سىعاندار. ءبىزدىڭ ەلگە وزبەكستان ارقىلى تاجىكستان، ونىڭ ارعى جاعىندا اۋعانستاننان اعىلىپ كەلەتىن ولار ءىرى قالالارداعى بازارلار مەن تەمىرجول بەكەتتەرىنىڭ ماڭايىن، سونداي- اق، كىسى قاراسى كوپ جۇرەتىن جەرلەردى تۇراقتى مەكەن ەتىپ العان.

- بالام كوپ. ءۇي جوق. سىعانمىن. سۇراي بەرمەڭىزشى، ورىسشا تۇسىنبەيمىن...

جىل سايىن كەلگەن جەرلەرىنە قايتارىلىپ جاتسا دا مۇنداي قايىرشىلاردىڭ قاتارى ازايار ەمەس. ولار ءتىپتى قاقاعان قىستى دا ەلەمەيدى. رەسمي دەرەككە جۇگىنسەك، ءبىر عانا استانانىڭ وزىنەن بىلتىر وزبەكستاننىڭ 215 ازاماتى ەلىنە قايتارىلعان. ارالارىندا وتىرىك ءمۇساپىر ادامنىڭ كەيپىنە ەنىپ، قايىرشىلىقتى كاسىپ ەتكەندەر جەتىپ ارتىلادى.

- وسىلايشا، پوليتسيا جاڭا اكىمشىلىك كودەكس ارقىلى قايىرشى، بالگەر مەن جەزوكشەلەردىڭ قالتاسىن جۇقارتپاق ويدا. ءبىراق كۇنىنە مول تابىس تاۋىپ وتىرعان ولار ايىپپۇلدى شىبىن شاققان قۇرلى كورمەۋى مۇمكىن. سوندىقتان ساراپشىلار، تىڭ باستاما، جەڭىل پايدانى كاسىپكە اينالدىرعانداردى تەزگە سالا المايدى دەپ ەسەپتەيدى. ونىڭ ۇستىنە ىشكى ىستەر مينيسترلىگى، ءار كەزبەنىڭ ىزىنە ءبىر ءتارتىپ ساقشىسىن قويا المايدى. سوعان قاراعاندا، كەلىمسەكتەردەن تۇبەگەيلى قۇتىلۋىمىز ەكىتالاي.

 

«الاش ايناسى»