ارىستاندار جايلى نە بىلەمىز - فوتو

استانا. قازاقپارات - ارىستان مىسىقتار سەكىلدى ءيىستى «ياكوبسون ترۋبكاسى» ارقىلى سەزەدى. ياعني، كەز كەلگەن ءيىستى ولار اۋانى وزىنە تارتىپ، جوعارعى ەرنى مەن مۇرنىن اسپانعا كوتەرۋ ارقىلى سەزەدى.

ارىستاننىڭ بەت ءپىشىنى ادامنىڭ ساۋساق ىزىنە ۇقسايدى. وزدەرىڭىز بىلەتىندەي ادامنىڭ ساۋساق ىزدەرى ءبىر-بىرىنە ۇقسامايدى، ياعني سايكەس كەلمەيدى. ارىستاننىڭ ءجۇزى دە ءبىر-بىرىنە ۇقسامايدى.

ارىستاننىڭ تىرناعىنىڭ ۇزىندىعى 7 سانتيمەترگە دەيىن جەتۋى مۇمكىن. ادەتتە ۇلكەن ارىستانداردا 30 ءتىس بولادى. سوياۋداي تىستەرى بولعانىمەن ولار ونىمەن ازىعىن شاينامايدى. ولار تىستەرى ارقىلى ازىعىنىڭ ءبىر بولىگىن جۇلىپ الىپ، ارى قاراي بۇتىندەي جۇتادى.

ارىستاندار تۇندە ادامداردان 6 ەسە جاقسى كورەدى. ارىستاندار ەڭ كىشكەنتاي جۇرەكتىڭ يەسى. ياعني، اڭداردىڭ ىشىندەگى جۇرەگى ەڭ كىشكەنتاي اڭ ول - ارىستان.

ارىستان اقىراتىن بولسا ونى 8 شاقىرىم جەردەن ەستۋگە بولادى. ال، كىشكەنتاي ارىستاندار ەكى جاسقا تولماي مۇلدەم ايبات شەگە المايتىن كورىنەدى.

ەگەر دە ارىستاننىڭ توق ەكەنىن بىلسە، ياعني تاماققا تابەتى بولماي تۇرعانىن اڭعارعان كەز كەلگەن جانۋار ارىستاننىڭ جانىندا ەمىن-ەركىن جۇرە بەرەدى. ونداي كەزدە ءوزىنىڭ ءومىرى ءۇشىن الاڭدامايدى.

نەگىزىندە ادام جەيتىن ارىستاندار فيزيكالىق جاعىنان كۇشتى بولىپ كەلەدى. ءبىراق، وسى ۋاقىتقا دەيىن ادامعا نەمەسە ءۇي جانۋارلارىنا كوبىنەسە ءالسىز، جارالى ارىستاندار شابۋىلدايدى دەپ كەلدى. سەبەبى، ونداي ارىستاندار زەبرا، ەلىك سەكىلدى جابايى جۇيرىك جانۋارلاردى قۋىپ جەتە المايدى.

جاڭادان تۋىلعان ارىستانداردىڭ سالماعى 1-2 كەلى عانا بولادى. ال، كەيىن وسكەندە ولاردىڭ سالماعى 220 كەلىگە دەيىن جەتەدى. ولار تۋىلعاننان كەيىن 11- كۇنى كوزدەرىن اشادى. 15- كۇنى جۇرە باستايدى. كىشكەنتاي ارىستانداردىڭ تەرىسىندە قارا داقتار بولادى. ءبىراق، ول داقتار ۋاقىت وتە كەلە جويىلادى. بالا ارىستانداردى وزدەرىنىڭ اناسى نەمەسە مۇمكىندىگى بار كەز كەلگەن ارىستان سۇتپەن قورەكتەندىرە الادى.

ۇرعاشى ارىستاندار ەركەك ارىستاندارعا قاراعاندا ۇزاعىراق ءومىر سۇرەدى. ادەتتە ولار 14-16 جىل جاسايدى. ال، ەركەك ارىستاندار 11 جىلعا دەيىن ءومىر سۇرەدى دەسەك تە، 16 جىلعا دەيىن ءومىر سۇرەتىن كارى ارىستانداردى سيرەك كەزدەستىرۋگە بولادى. ال، بوستاندىقتا ءومىر سۇرمەيتىن ارىستانداردىڭ ءومىرى 13 جىلدان ارى اسپايدى.

ارىستانداردىڭ ءومىر سۇرۋگە بەيىمدىلىگى وتە جوعارى. ولار ءبىر اي بويى سۋسىز ءومىر سۇرە الادى. جەيتىن ازىعىنىڭ قۇرامىنداعى ىلعالدىڭ ءوزى ولارعا جەتىپ جاتىر.

ارىستان الا گيەنادان (جابايى ءشيبورى) كەيىنگى ەكىنشى جىرتقىش اڭ. ءبىرىنشى ورىندا الا گيەنا تۇرعانى تاڭقالدىرادى.

ارىستان ۇيقىنى وتە قاتتى جاقسى كورەتىن اڭ. تاۋلىگىنە 20 ساعات ۇيىقتايتىنى وسىنى اڭعارتسا كەرەك.

islam.kz