تۇركيا اسا اۋىر قىلمىس جاساعان ر. اليەۆتى قازاقستانعا تاپسىرىپ بەردى
«قىلمىستىق قۋدالاۋ ورگانى رۋسلان اليەۆتى قاراقشىلىقپەن بايلانىستى اسا قاتىگەزدىكپەن ادام ولتىرگەنى ءۇشىن كىنالاپ وتىر.
ول قىلمىس جاساعان سوڭ تەرگەۋدەن جاسىرىنىپ جۇرگەن جانە وسىعان بايلانىستى حالىقارالىق ىزدەۋگە سالىنعان. ونى تۇركيا ينتەرپولى انتاليا قالاسىندا ۇستادى.
انتاليا قالاسىنىڭ جوعارى سوتى قازاقستان رەسپۋبليكاسى باس پروكۋراتۋراسىنىڭ اتالعان تۇلعانى ۇستاپ بەرۋ تۋرالى ءوتىنىشىن قاناعاتتاندىردى.
ايىپتالۋىشى سوت قاداعالاۋ ساتىلارىنا بىرنەشە مارتە شاعىمدانعان، ءبىراق تۇرىكتەر تاراپىنان بۇل وتىنىشتەر قاناعاتتاندىرۋسىز قالدىرىلىپ، ونى قازاقستان رەسپۋبليكاسىنا بەرۋ تۋرالى شەشىم وزگەرىسسىز قالدىرىلعان.
ەكى ەلدىڭ قۇقىق قورعاۋ ورگاندارىنىڭ جەدەل ءارى ءتيىمدى ىقپالداستىعىنىڭ ناتيجەسىندە رۋسلان اليەۆ بۇگىن قازاقستان رەسپۋبليكاسىنا ەكستراديتسيالاندى»، - دەپ جازىلعان حابارلامادا.
