بيىلعى ەڭ ۇزدىك اندرويد قوسىمشالارىنىڭ ءتىزىمى جاريالاندى

استانا. قازاقپارات - Google Play نۇسقاسى بويىنشا 2014-جىلعى ەڭ ۇزدىك Android قوسىمشالارىنىڭ ءتىزىمى جاريالاندى.

توپتا ءتۇرلى سيپاتتاعى قوسىمشالار قامتىلعان. ولاردىڭ كەيبىرىن عالامتور ارقىلى تەگىن جۇكتەپ الۋ مۇمكىن بولسا، كەيبىرىنىڭ باعاسى وتە تومەن.

سونىمەن، العاشقى التىلىقتى Wunderlist قوسىمشاسى، TED رەسمي قوسىمشاسى، SwiftKey كلاۆياتۋراسى، جادىنى جاتتىقتىراتىن Lumosity، شوپينگكە ارنالعان Wish قوسىمشاسى مەن Shazam مۋزىكانى تانىپ-ءبىلۋ باعدارلاماسى باستايدى.

سونداي-اق ۇزدىكتەر قاتارىنان بارلىق ەلدەردىڭ وففلاين كارتاسى MAPS.ME، يوگا جاتتىعۋلارى تۋرالى ءىرى بازا Yoga.com Studio, Lamoda ونلاين- شوپينگىنىڭ رەسمي قوسىمشاسى مەن Aviasales اۆيابيلەتتەردى ىزدەۋدىڭ ءىرى قوسىمشاسى كورىندى.

ەڭ قىزىقتى Android قوسىمشالارىنىڭ تولىق ءتىزىمى Google Play- ءدىڭ رەسمي پاراقشاسىندا جاريالاندى، بۇل باعدارلامالاردى سول جەردەن جۇكتەپ الۋعا بولادى، دەپ حابارلايدى بەلتا.