قاراعاندىلىق ج و و تۇلەگى رەسەي پرەزيدەنتىنىڭ شاكىرت اقىسىنا لايىق دەپ تانىلدى
اتالمىش شاكىرت اقىعا وقۋداعى جانە عىلىمي زەرتتەۋلەردەگى جەتىستىكتەرى ءۇشىن قازىرگى تاڭدا سانكت-پەتەربور مەملەكەتتىك ۋنيۆەرسيتەتىندە ءبىلىم الىپ جاتقان قاراعاندى مەملەكەتتىك تەحنيكالىق ۋنيۆەرسيتەتىنىڭ تۇلەگى مۇرات ماكەنوۆ لايىق دەپ تانىلدى.
مۇرات ماكەنوۆ ق ا ر م ت ۋ-ءدىڭ «كاسىپورىن ەكونوميكاسى» كافەدراسىن «باعالاۋ» ماماندىعى بويىنشا 2013-جىلى تامامداعان. قازىر ول س پ ب م ۋ-ءنىڭ ەكىنشى كۋرس ماگيسترانتى.
قاراعاندىداعى ءبىلىم ورداسىندا وقىپ جۇرگەن كەزىندە مۇرات قازاقستان رەسپۋبليكاسى پرەزيدەنتىنىڭ، سونىمەن قاتار تۇڭعىش پرەزيدەنت قورىنىڭ شاكىرت اقىسىنا يە بولعان ەدى.
جالپى، رەسەي بويىنشا پرەزيدەنت شاكىرت اقىسىن 700 ستۋدەنت قانا الادى (ر ف- دا بارلىق ستۋدەنتتەر سانى 6,5 ميلليون)، وسى جىلى سولاردىڭ ىشىندە ق ا ر م ت ۋ تۇلەگى دە بولعانى قۋانتادى، دەپ حابارلايدى اتالمىش جوعارعى وقۋ ورنىنان.
