الەمدەگى ەڭ سەمىز ادام ارىقتاماقشى بولىپ كوز جۇمدى
«الەمدىك رەكوردتى ورناتۋ كەزىندە سالماعى 444,5 كەلى بولعان مارتين اسقازانىن كىشىرەيتۋ بويىنشا جاسالعان وتادان كەيىن سەگىز اي وتكەن سوڭ قايتىس بولدى. جاسالعان وتادان كەيىن ونىڭ اسقازانىنىڭ كولەمى 75 پايىزعا كىشىرەيدى»، - دەپ اتاپ وتەدى باسىلىم.
قايتىس بولار الدىندا مارتيننىڭ سالماعى 247,6 كەلى بولعان.
لوندوندا تۇرعان بريتاندىق ازاماتتىڭ ەسىمى وتكەن جىلى الەمدەگى ەڭ سەمىز ادام اتاعىن العان سوڭ كەڭىنەن تانىمال بولدى. تاڭعى اسقا التى قۋىرىلعان جۇمىرتقا جەيتىنى بەلگىلى ەدى. تۇسكى جانە كەشكى اسقا مارتين جەدەل تاعامدانۋ مەيرامحانالارىنان كوپتەگەن اس تۇرلەرىنە تاپسىرىس بەرەتىن. تاۋلىگىنە بريتاندىق مەديتسينالىق بيلىك كوزدەرى كەڭەس ەتكەن 2,5 تىس. كالوريانىڭ ورنىنا 20 مىڭ كالوريانى جاراتتى.
سالماعىنىڭ ۇلكەندىگى سالدارىنان جاس ازامات پاتەرىنە شىقپاي، الەۋمەتتىك جاردەماقىعا ءومىر سۇرگەن.
اعىمداعى جىلى ارىقتاۋدى شەشكەن مارتين اسقازانىنىڭ ءبىر بولىگىن كەسىپ تاستاۋعا وتا جاساتۋعا كەلىستى. «جاتا بەرۋدەن جالىقتىم، دالاعا شىققىم كەلەدى»، - دەدى ول جۇمىسشىلاردىڭ ونى اۋرۋحاناعا اكەتۋ ءۇشىن ءۇيدىڭ قابىرعاسىنىڭ ءبىرىن بۇزۋعا كەلگەنىندە.
باسىلىمنىڭ اتاپ وتۋىنشە، بريتاندىق ازاماتتىڭ ولىمىنە وكپەسىنىڭ قابىنۋى سەبەپ بولعان.
