قىتايلىق گازەت اپتالىق كەزەكتى سانىن قازاقستانعا ارنادى - فوتو
گازەتتىڭ بەس ماقالاسى ءبىزدىڭ ەلىمىزگە ارنالدى. ولاردا ق ر- نىڭ ەكونوميكالىق تابىستارى مەن تۋريستىك الەۋەتى تۋرالى باياندالادى.
«بۇل الەمدە ۋراندى ءوندىرۋ بويىنشا ءىرى ەل، پوستكەڭەستىك كەڭىستىكتە مۇناي ءوندىرۋ بويىنشا رەسەيدەن كەيىن ەكىنشى ورىندا تۇر (.. .) بيزنەستى جۇرگىزۋدىڭ جەڭىلدىگى بويىنشا «Doing Business» رەيتينگىسىنىڭ مەملەكەتتەر «ەلۋلىگىنە» كىرەدى (.. .) ، ورتالىق ازيا نارىعىندا شەتەلدىك ينۆەستورلار ءۇشىن پلاتسدارم رەتىندە سۇيىكتى ورنىنا اينالدى»، - دەپ جازادى باسىلىم قازاقستاننىڭ ەكونوميكالىق دامۋى تۋرالى.
باسىلىم بەتتەرىندە ق ر ۇكىمەتىنىڭ تۋريستىك سالاعا 10 ميلليارد دوللار قارجى سالۋدى جوسپارلاپ وتىرعانى، سونىڭ 6 ميللياردىن جەكەمەنشىك سەكتور ەسەبىنەن قامتاماسىز ەتۋ شامالانىپ وتىرعانى اتاپ وتىلەدى. بۇل رەتتە تۋريزمنىڭ ەلدىڭ ج ءى ءو- دەگى ۇلەسى 2020 - جىلعا قاراي قازىرگى 0,3 پايىزدان 3 پايىزعا دەيىن ءوسۋى ءتيىس. تۋريستىك اعىندى ارتتىرۋ جانە وڭتۇستىك جانە وڭتۇستىك- شىعىس ازيا ارىپتەستەرىمەن بايلانىستاردى كەڭەيتۋدەگى ۇلكەن ءرول 2017 - جىلى ورتالىق ازيادا العاش رەت وتكىزىلەتىن ەكسپو كورمەسىنە بەرىلەدى.
«قازاقستان 2017 - جىلدى قىتايلىق تۋريزم جىلى دەپ جاريالادى. ەلگە 5 ميلليون تۋريست كەلەتىنى، سونىڭ ىشىندە قىتايدان تۋريستەر كوپ كەلەدى دەپ كۇتىلۋدە. ورتالىق ازيانىڭ ءىرى ەكونوميكاسى ق ح ر تۋريستەرى ءۇشىن 72 ساعاتتىق ۆيزاسىز رەجيمدى ەنگىزۋ مۇمكىندىگىن قاراستىرۋدا، وسىعان ۇقساس جوسپار قىتايدىڭ باستى ون قالاسىندا بىرنەشە جىل بۇرىن ەنگىزىلگەن»، - دەلىنەدى ماتەريالدا.
«China Daily Asia Weekly» اعىمداعى جىلدىڭ شىلدە ايىندا ءبىرجاقتى تارتىپتەگى ىلكى رەجيمدە (ءبىر جىلعا) ون ەل: ا ق ش، نيدەرلاندى، ۇلى بريتانيا، فرانسيا، گەرمانيا، يتاليا، مالايزيا، ب ا ءا، كورەيا رەسپۋبليكاسى، جاپونيامەن ۆيزاسىز رەجيمدى ەنگىزۋگە بايلانىستى تۋريزمنىڭ ودان ءارى دامۋىنا جانە جالپى العاندا قازاقستان ەكونوميكاسىنىڭ بولاشاعىنا سەنىممەن قاراۋدا. بۇل رەتتە ق ر ينۆەستيتسيالار جانە دامۋ مينيسترلىگى تۋريزم دەپارتامەنتىنىڭ ديرەكتورى تيمۋر دۇيسەنعاليەۆتىڭ كەلەسى جىلى ولاردىڭ سانى 84-كە دەيىن جەتەتىنى تۋرالى ايتقان سوزدەرى كەلتىرىلگەن.
«جاڭا ۆيزاسىز ساياساتتى قازاقستاننىڭ حالىقارالىق ارەنادا ءوسىپ جاتقان سەنىمدىلىگى رەتىندە تۇسىندىرۋگە بولادى. تۇراقتىلىقتى نىعايتۋ جانە ەكونوميكالىق جەتىستىكتەر ق ر- نىڭ ءوزىنىڭ اشىقتىعى مەن قوناقجايلىلىعىن كورسەتۋ نيەتىن تۋدىرادى»، - دەدى باسىلىمعا الەمدىك ينفراقۇرىلىمدى دامىتۋدى زەرتتەۋ قورىنىڭ پرەزيدەنتى (جاپونيا) ، دوكتور نوريو ياماموتو.
ول سونداي- اق ورتالىق ازيانىڭ بارلىق ەلدەرىنە (قىرعىزستان، وزبەكستان، تاجىكستان، تۇرىكمەنستان) جانە قازاقستانعا بارۋ ءۇشىن ءبىرىڭعاي ۆيزانى ەنگىزۋ جىبەك جولى بويىنداعى تۋريزمدى دامىتۋدا كۇشتى ىنتالاندىرۋ تەتىگى بولا الاتىنى تۋرالى ويىمەن ءبولىستى.
